8 Kae ka faka‵ma pakipaki ne au latou mai i mea ‵se katoa o olotou agasala ne fai ki a au,+ kae ka fakamagalo ne au a mea ‵se katoa o olotou agasala mo olotou amioga solitulafono ne fai ki a au.+

27 Ne puke a ia ki te ipu, fai ne ia te fakafetai kae tuku atu ki a latou, ana muna: “Inu katoa koutou ki ei,+ 28 me fakauiga te mea tenei ki toku ‘toto+ o te feagaiga,’+ telā ka ‵ligi ki tua mō tino e tokouke+ ke fakamagalo ei agasala.+

10 “‘Me tenei te feagaiga ka fai ne au mo te kāiga o Isalaelu mai tua o aso konā,’ ko muna a Ieova. ‘Ka tuku ne au aku tulafono ki loto i olotou mafaufau, kae ka tusi ne au a mea konā i olotou loto.+ Kae ka fai au mo olotou Atua, kae ka fai latou mo oku tino.+

11 “‘Kae ka se toe akoako ne latou a tino o olotou fenua mo olotou taina, kae fai atu: “Fai ke na iloa ne koutou a Ieova!”* Me ka iloa katoa ne latou a au, mai te ‵toe tino malalo ke oko eiloa ki te ‵toe tino maluga i a latou. 12 Me ka fakamagalo ne au olotou faifaiga sē fakamaoni, kae ka se toe masaua eiloa ne au olotou agasala.’”+

15 Tenā te pogai ko fai ei a ia mo fai te sokoga o te feagaiga fou,+ ona ko te mea ko oti ne mate se tino mō te lotou fakasaolotoga e auala i te togiola+ mai amioga solitulafono kolā ne fai mai lalo i te feagaiga mua, ke maua ne tino kolā ko oti ne kalagagina a te folafolaga e uiga ki te tofi se-gata-mai.+

17 Tenā ne fai mai ei: “Kae ka se toe masaua eiloa ne au olotou agasala mo olotou faifaiga solitulafono.”+