11 I o koe e Ieova te tulaga sili+ mo te malosi+ mo te taulekaleka mo te gali mo te tulaga ‵malu,+ me i a koe a mea katoa i te lagi mo te lalolagi.+ I o koe a te malo, e Ieova.+ Ko koe te Atua telā e fakamaluga ne koe a koe eiloa ke fai mo ulu o mea katoa.

17 “Oi aue, e te Aliki Sili ko Ieova! Kiloke! Ne faite ne koe te lagi mo te lalolagi e auala i tou malosi sili+ mo tou lima mafi. E seai se mea e tō faigata ki a koe, 18 te Atua telā e fakaasi atu ne ia te alofa fakamaoni ki te fia afe o tino, kae toe ‵togi atu a mea ‵se a olotou tamana ki olotou tama tāgata mai tua ifo i a latou,+ ko te Atua tonu, te Atua sili kae malosi, a tena igoa ko Ieova o kautau. 19 A koe e sili i au pati fakatonutonu kae ko au faifaiga e ma‵losi,+ ko koe telā e kilokilo atu ou mata ki faifaiga katoa a tāgata,+ ke tuku atu ki tino taki tokotasi e ‵tusa mo olotou auala kae e ‵tusa mo mea e fai ne latou.+