23 I te aso tenā, ne olo atu ki a ia a te kau Satukaio, kolā e fai mai me e seai se toetu,+ kae fesili atu ki a ia:+ 24 “Te Faiakoga, ne fai mai a Mose, ‘Kafai e mate se tagata kae seai ne ana tama‵liki, e ‵tau o avaga tena taina mo tena avaga ko te mea ke maua ne tama‵liki ma tena taina.’+ 25 E isi ne tautaina e tokofitu e ‵nofo matou. Ne avaga te toekimua kae mate kae seai sena tamaliki, tuku atu ei tena avaga ki tena taina. 26 Ne penā foki te mea ne tupu ki te tokolua mo te tokotolu ke oko eiloa ki te tokofitu. 27 Fakamuli ifo, mate ei te fafine. 28 Tela la, i te taimi e toe‵tu aka ei a te tokofitu konei, ko oi ka fai mo fai te avaga a tou fafine? Me ne a‵vaga katoa a latou mo ia.”

27 Kae ko nisi Satukaio, kolā e fai mai me e seai se toetu,+ ne olo atu kae fesili atu ki a ia:+ 28 “Te Faiakoga, ne tusi mai a Mose ki a matou, ‘Kafai e mate se tagata avaga kae e seai ne ana tama‵liki, e ‵tau o avaga tena taina mo tena avaga ko te mea ke maua ne tama‵liki ma tena taina.’+ 29 E isi ne tautaina e tokofitu. Ne avaga te toekimua kae ne mate kae seai sena tamaliki. 30 A te tokolua 31 mo te tokotolu ne avaga foki mo ia. E penā katoa eiloa te tokofitu; ne ‵mate kae ne seai ne olotou tama‵liki. 32 Fakamuli ifo, ne mate foki te fafine. 33 Tela la, i te taimi o te toetu, ko oi ka fai mo fai te avaga a tou fafine? Me ne a‵vaga katoa a te tokofitu konā mo ia.”