18 Kae koi faipati atu a ia ki a latou e uiga ki mea konei, kiloke! ne fanatu se tino pule kae ifo atu ki a ia, ana muna: “Kāti ko oti nei ne mate taku tamaliki fafine, kae vau o tuku aka ou lima ki luga i a ia, ko toe ola ei a ia.”+

19 Tenā ne ‵tu aka ei a Iesu mo ana soko kae tau‵tali atu i a ia.

22 Ne fanatu se ofisa tausi e tokotasi o te sunako e igoa ki a Iailo, kae i te laveaga ne ia a Iesu, fakasiga ifo ei ki ana vae.+ 23 Ne fakamolemole atu faeloa a ia, ana muna: “A taku tamaliki fafine ko oko eiloa i te masaki.* Fakamolemole, vau aka o tuku ou lima ki luga i a ia+ ko te mea ke toe ‵lei a ia kae ola.” 24 Tenā ne olo ei lāua mo Iesu, kae ne tau‵tali atu i a ia se vaitino kae fakatauteke atu i ana tafa.