34 Ne kamata a Petelu o faipati atu, ana muna: “Nei la, ko malamalama faka‵lei au i te Atua e se fakailoga tino,+ 35 kae ko te tino mai so se fenua telā e mataku ki a ia kae fai mea tonu e talia eiloa ne ia.+

16 I konā eiloa, ne masaua ei ne au a pati a te Aliki kolā e fai sāle: ‘A Ioane e papatiso ki te vai,+ kae ko koutou ka papatiso ki te agaga tapu.’+ 17 Tela la, kafai ne tuku atu ne te Atua ki a latou a te meaalofa faivasaga telā ne tuku mai foki ne ia ki a tatou kolā ne tali‵tonu ki te Aliki ko Iesu Keliso, ko oi la au ke ‵teke atu ki te Atua?”*+