17 Nei la, ko fakamalosi atu au ki a koutou, e oku taina, ke fakaeteete koutou i a latou kolā e faka‵tupu ne latou a mavae‵vaega mo mea e vāi‵vai ei a tino kolā e ‵teke atu ki akoakoga ko oti ne tauloto ne koutou, kae ‵kalo kea‵tea mai i a latou.+ 18 Me i tāgata penā e pologa ki olotou manakoga,* kae e se ki te ‵tou Aliki ko Keliso, kae e auala i olotou pati takolekole mo pati tavae fakaloi‵loi e faka‵segofie ne latou a loto o tino e seai ne olotou mea e iloa.

2 E tiga te feitu tenā, ne ‵nofo atu foki a pelofeta ‵loi i loto i tino o te Atua, e pelā eiloa mo faiakoga ‵loi kolā ka ‵nofo atu foki i loto i a koutou.+ Ka aumai lēmū ne tino konei a mavae‵vaega kolā e fakamasei atu ki te otou fakatuanaki kae fakafiti ne latou te pule telā ne ‵togi ne ia latou,+ kae aumai fakavave ne latou te lotou fakaseaiga.