7 “Kafai ko mativa se tokotasi o ou taina i loto i se fakai e tasi i te fenua telā ka tuku atu ne Ieova tou Atua ki a koe, sa loto makeke io me kaiu i tou taina mativa.+ 8 Me e ‵tau mo koe o ‵tala atu tou lima mo te kaimalie ki a ia+ kae tuku* atu a te mea telā e manako a ia ki ei io me e ‵tau o maua ne ia.

35 Me i a au ne fiakai kae ne fagai au ne koutou; au ne fiainu kae ne fainu au ne koutou. Au se fakaalofa kae ne talimalo au ne koutou;+ 36 au ne nofo fuafua* kae ne fakapei ne koutou a gatu ki a au.+ Au ne masaki kae ne tausi ne koutou au. Au ne ‵pei ki te falepuipui kae ne āsi mai koutou ki a au.’+

11 Ne tali atu a ia ki a latou: “Ko te tino telā e lua ana gatu ke tuku atu te suā gatu ki te tino telā e seai sena gatu, kae ke fai foki penā a te tino telā e isi ne ana meakai.”+

13 Fesoasoani ki tino tapu e ‵tusa mo mea e ma‵nako latou ki ei.+ Fakatumau te uiga talimalo.+

4 Kae kafai e isi ne tama‵liki io me ne mokopuna o se fafine ko mate tena avaga, fai ke iloa muamua ne latou o tapuaki fakamaoni ki te Atua i olotou kāiga+ mai te ‵toe taui atu ki olotou mātua mo olotou tupuna a mea e ‵tau o maua ne latou,+ me i te mea tenei se mea ‵lei i te kilokiloga a te Atua.+

27 A te vaegā tapuakiga* telā e ‵ma kae e se lailai i te kilokiloga a te Atua te ‵tou Tamana e fai penei: ke tausi atu ki tama‵liki ko ‵mate olotou mātua+ mo fāfine ko ‵mate olotou avaga+ i olotou puapuaga,+ kae ke tumau i te ‵ma e aunoa mo se lailaiga mai te lalolagi.+

17 Kae ko so se tino e maua ne ia a kope faka-te-foitino o te lalolagi kae e matea ne ia me fakaalofa tena taina kae e ita ma fakaasi atu te alofa atafai, ka tumau la pefea te alofa o te Atua i a ia?+