25 Ne tuku mai a ia ne te Atua mo fai te taulaga ke toe faka‵lei aka ei te ‵tou va mo te Atua+ e auala i te fakatuanaki ki tena toto.+ Ne fai te mea tenei ke fakaasi mai ei tena amiotonu, me ne fa‵ki te Atua kae fakamagalo foki ne ia a agasala kolā ne fai i aso ko ‵teka.

17 Tela la, ne ‵tau o fai a ia e pelā mo ana “taina” i feitu katoa,+ ko te mea ke fai a ia mo fai se faitaulaga sili telā e alofa fakamagalo kae fakamaoni i mea e uiga ki te Atua, ko te mea ke ofo atu se taulaga mō agasala a tino ke faka‵lei latou mo te Atua.+

26 Moi fai penā, penei ne ‵tau o logo‵mae faeloa a ia talu mai te taimi ne fakavae* ei te lalolagi. Kae nei la, ko oti ne fakaasi mai a ia fakatasi eiloa mō taimi katoa i te vaitaimi o te gataga o te olaga tenei, ke fakaseai ne ia te agasala i tena faiga mo fai te taulaga.+

2 Aku tama‵liki fo‵liki, ko tusi atu ne au a mea konei ki a koutou ko te mea ke se fai ne koutou se agasala. Kae kafai e fai ne se tino se agasala, e isi se ‵tou tino fesoasoani telā e ‵nofo mo te Tamana, ko Iesu Keliso,+ te tino amiotonu.+ 2 A ia ko te taulaga+ mō ‵tou agasala+ ke faka‵lei aka ei tatou mo te Atua, kae e se ko ‵tou agasala fua kae e pelā foki mo agasala a te lalolagi kātoa.+