Te Muamua Nofoaiga Tupu
16 Ne aumai ne latou te Pusa a te Atua tonu kae tuku i loto i te faleie telā ne fakatu ne Tavita ke tuku i ei;+ kae ne ofo atu ne latou a taulaga ‵sunu mo taulaga ‵kai fakatasi i mua o te Atua+ tonu. 2 I te otiga ne ofo atu ne Tavita a taulaga ‵sunu+ mo taulaga ‵kai fakatasi,+ ne fakamanuia ne ia a tino i te igoa o Ieova. 3 E se gata i ei, ne tufa atu ne ia ki tino Isalaelu katoa, ki tāgata mo fāfine taki tokotasi, se falaoa pukupuku, se keke e fai ki fuaga o pama, mo se keke vine. 4 Oti aka, ‵tofi ei ne ia a nisi tino Levi ke tavini atu i mua o te Pusa a Ieova,+ o fakaaloalo,* fakafetai kae avatu a vikiga ki a Ieova te Atua o Isalaelu. 5 Asafo+ ko te takitaki, te tokolua ki a ia ko Sakalia; mo Ieiela, Semilamota, Ieielu, Matitia, Eliapo, Penaia, Opeta-etoma mo Ieiela+ e tātā i mea fakatagi‵tagi kolā e isi ne uka i ei mo kitala;+ kae ko Asafo e fakatagitagi te sumepalo,+ 6 kae ko faitaulaga ko Penaia mo Iasielu ne faka‵tagi faeloa ne lāua a pu i mua o te pusa o te feagaiga a te Atua tonu.
7 Ko te aso eiloa tenā ne ‵fatu ei ne Tavita se pese fakafetai ki a Ieova kae fakatonu atu ki a Asafo+ mo ana taina ke usu ne latou:
9 Usu atu a pese ki a ia, usu a pese o vikiga ki a ia,+
10 Faipati fakamatamata atu e uiga ki tena igoa tapu.+
Fai ke fia‵fia+ a loto o tino kolā e ‵sala ki a Ieova.
11 ‵Sala atu ki a Ieova+ mo tena malosi.
‵Sala atu ki a ia i taimi katoa.+
12 Ke masaua ana galuega fakaofoofogia ne fai,+
Ko ana vavega mo fakamasinoga kolā ne folafola mai ne ia,
13 Koutou e tama* a tena tavini+ ko Isalaelu,
Koutou e tama tāgata a Iakopo, ko ana tino filifilia.+
14 A ia ko Ieova te ‵tou Atua.+
E maua ana fakamasinoga i te lalolagi kātoa.+
15 Ke masaua tena feagaiga ki te se-gata-mai,
Tena tautoga ne fai ki se afe o kautama,+
16 Te feagaiga ne fai ne ia mo Apelaamo,+
Mo te tautoga ne fai ne ia ki a Isaako,+
17 Telā ne faka‵mautakitaki ne ia e pelā me se tulafono ki a Iakopo+
Kae pelā me se feagaiga tumau ki a Isalaelu,
18 Ana muna, ‘Ka tuku atu ne au te fenua o Kanana+ ki a koe
E pelā me se vaega o tou tofi.’+
19 Ne fai te mea tenei i te taimi koi mu‵tana ei te otou aofaki,
Ao, koi mu‵tana ‵ki, kae ko koutou ne tino fakaa‵tea i te fenua.+
20 Ne sa‵sale latou mai te fenua e tasi ki te suā fenua,
Mai te malo e tasi ki te suā malo.+
21 Ne seki talia ne ia se tagata ke pule fakasaua atu ki a latou,+
Kae ona ko latou, ne polopoloki ‵mafa ei ne ia a tupu,+
22 Ana muna, ‘Sa fakapatele ki oku tino fakaekegina,
Kae sa fai se mea masei+ ki aku pelofeta.’
23 Usu se pese ki a Ieova, e te lalolagi kātoa!
Faka‵pula atu tena fakaolataga i aso takitasi!+
24 Folafola atu a tena ‵malu i atufenua katoa,
Ana galuega fakaofoofogia ki tino katoa.
25 Me i a Ieova e sili kae ‵tau o avatu ki ei a vikiga.
E fakaofoofogia atu a ia i lō nisi atua+ katoa.
26 A atua katoa o tino ne atua e seai ne aoga,+
Kae ko Ieova ko te Atua telā ne faite ne ia te lagi.+
28 Tuku atu ki a Ieova a mea e ‵tau o tuku atu ki a ia, koutou e kāiga o tino,
Tuku atu ki a Ieova a mea e ‵tau o tuku atu ki a ia ona ko tena ‵malu mo tena malosi.+
29 Tuku atu ki a Ieova a te ‵malu e ‵tau o tuku atu ki tena igoa;+
Aumai se meaalofa kae vau ki ana mua.+
Ifo* ki a Ieova mo ou gatu ‵malu.*+
30 Ke ma‵taku i ana mua, e te lalolagi kātoa!
A te lalolagi* ko oti ne faka‵mautakitaki; e se mafai o fakagasue.+
31 Ke fia‵fia te lagi, kae ke ‵lifu te lalolagi;+
Folafola atu ki atufenua: ‘A Ieova ko fai mo fai te Tupu!’+
32 Ke ‵pa a fa‵tili i te tai mo mea katoa i ei;
Ke fia‵fia a fatoaga mo mea katoa i loto i ei.
33 I te taimi foki tenā, a lakau o te vao e ka‵laga fia‵fia i mua o Ieova,
Me ka vau a ia o fakamasino te lalolagi.
35 Kae fai atu, ‘Fakaola mai matou, e te Atua o te motou fakaolataga,+
Fakamaopoopo aka matou kae faka‵sao matou mai nisi atufenua,
Ko te mea ke fakafetai atu matou ki tou igoa tapu+
36 Ke vikia a Ieova, te Atua o Isalaelu
Ki te se-gata-mai.’”
Kae ne fai atu a tino katoa penei, “Amene!” kae ne tavae atu latou ki a Ieova.
37 Tenā ne tuku ei ne Tavita a Asafo+ mo ana taina i konā i mua o te pusa o te feagaiga a Ieova ke tavini atu faeloa i ei i mua o te Pusa,+ e ‵tusa mo mea kolā e ‵tau o fai i aso takitasi.+ 38 A Opeta-etoma mo ana taina e toko 68 te lotou aofaki, kae ko Opeta-etoma, te tama tagata a Ietutunu, mo Hosa ne tino tausi mataloa; 39 kae ko Satoka+ te faitaulaga mo nisi faitaulaga ne ‵tu atu i mua o te faleie tapu o Ieova i te koga maluga i Kipeona+ 40 o ofo atu faeloa a taulaga ‵sunu ki a Ieova i luga i te fatafaitaulaga o taulaga ‵sunu, i tafataeao mo afiafi, kae ke fai a mea katoa kolā e tusi i te Tulafono a Ieova telā ne fakatonu atu ne ia ki Isalaelu.+ 41 Fakatasi mo latou ko Hemanu mo Ietutunu+ mo te ‵toega o tāgata kolā ne filifili aka olotou igoa ke fakafetai atu ki a Ieova,+ ona ko “tena alofa fakamaoni e tumau ki te se-gata-mai”;+ 42 kae fakatasi mo latou ko Hemanu+ mo Ietutunu kolā ka faka‵tagi ne lāua a pu, sumepalo mo mea fakatagi‵tagi kolā e fakaaoga ke ‵viki atu ei ki te Atua tonu; kae ko tama tāgata a Ietutunu+ e ‵tu i te mataloa. 43 Tenā ne olo atu ei a tino katoa ki olotou fale, kae ne fano a Tavita o fakamanuia tena kāiga.