Mika
3 Ne fai atu au: “Fakamolemole, faka‵logo mai, koutou e takitaki o Iakopo
Mo koutou e takitaki o te kāiga o Isalaelu.+
E mata, e se ‵tau o iloa ne koutou a te mea tonu?
2 Kae ne takalia‵lia koutou ki te mea ‵lei+ kae fia‵fia ki te mea masei;+
Ne ‵fole kea‵tea ne koutou a pa‵kili mai i oku tino mo ‵kano mai i olotou ivi.+
3 Ne kai foki ne koutou a ‵kano o oku tino+
Kae ‵fole kea‵tea olotou pa‵kili,
Ne tukituki olotou ivi, kae ne tuki fakalikiliki,+
E pelā mo mea e ‵tunu i loto i se ulo, e pelā mo ‵kano i se ulo ‵tunu meakai.
4 I te taimi tenā ka ka‵laga atu ei latou ki a Ieova mō se fesoasoani,
Kae ka se tali atu a ia ki a latou.
5 Konei a pati a Ieova ne faipati ‵teke atu ki pelofeta kolā e takitaki ne latou oku tino ke takasē‵se,+
Kolā e folafola atu ‘Ko Filemu!’+ kae ū olotou nifo*+
Kae kolā e fai taua atu ki a ia telā e seai sena mea ke tuku atu ki loto i olotou gutu:
6 ‘Ka isi ne otou po;+ ka seai ne fakaasiga;+
Ka maua fua ne koutou a te pouliga, e seai ne mea fakataulaitu.
A te la ka tō ki luga i pelofeta,
Kae ko te ao ka pouli ki a latou.+
7 A tino fakamatala fakaasiga ka fakamasiasigina,+
Kae ko tino fakataulaitu ka fanoa‵noa.
E ‵tau mo latou katoa o ufi olotou talafa,*
Me e seai se tali mai i te Atua.’”
8 E pelā mo au, ko ‵fonu au i te ‵mana e auala i te agaga o Ieova,
Fakatasi mo te fakamasinoga tonu mo te malosi,
Ke fakailoa atu ki a Iakopo tena ‵tekeatuga kae ki a Isalaelu tena agasala.
9 Faka‵logo mai ki te mea tenei, koutou e takitaki o te kāiga o Iakopo
Mo koutou e takitaki o te kāiga o Isalaelu,+
Kolā e takalia‵lia ki te fakamasinoga tonu kae fai ke ‵piko a mea katoa kolā e ‵tonu,+
10 Kolā e faite ne latou a Siona ki te fakamaligiga o toto mo Ielusalema ki te sē amiotonu.+
11 Ana takitaki e fai a fakamasinoga ke maua fua a ‵togi fakakolekole,+
Ana faitaulaga e akoako atu ke maua fua se ‵togi,+
Kae ko ana pelofeta e fai a mea fakataulaitu ke maua a tupe.+
Kae ui i ei, ko fakalago‵lago latou ki a Ieova,* olotou muna:
“E a, e se fakatasi mai a Ieova ki a tatou?+
Ka seai se fakalavelave e oko mai ki luga i a tatou.”+