Salamo
Ki te takitaki o te kau fai pese. Ko te pese a Tavita, i te taimi ne vau ei te pelofeta ko Natano ki a ia i te otiga ne ‵moe a Tavita mo Patisepa.+
51 Ke na talia mai au, e te Atua, e ‵tusa mo tou alofa fakamaoni.+
‵Solo kea‵tea aku amioga solitulafono e ‵tusa mo te lasi o tou alofa fakamagalo.+
Ko te mea ke fakatalitonu aka i a koe e amiotonu i te taimi e faipati ei koe
Kae e tonu foki eiloa tau fakamasinoga.+
6 Kiloke! E maua ne koe te fiafia ki te munatonu i te loto;+
Akoako mai toku loto ki te poto tonu.
7 Faka‵ma aka au ki te isopo, ko te mea ke ‵ma au mai taku agasala;+
‵Fulu aka au, ko te mea ke ‵kena atu au i te kiona.+
8 Fai ke lagona ne au a leo o te fiafia mo te ‵lifu,
Ko te mea ke fia‵fia a ivi kolā ne tuki pala ne koe.+
10 Faite i loto i a au se loto ‵ma, e te Atua,+
Kae tuku ki loto i a au se agaga fou,+ telā e ‵mautakitaki.
11 Sa ‵pei au kea‵tea mai i ou mua;
Kae sa ave kea‵tea tou agaga tapu mai i a au.
12 Toe fakafoki mai ki a au te fiafia o tou fakaolataga;+
Fakamalosi aka i loto i a au te loto fiafia o fakalogo ki a koe.*
13 Ka akoako ne au ou auala ki tino solitulafono,+
Ko te mea ke toe ‵foki mai a tino agasala ki a koe.
14 Fakasao mai au mai te fakamaligi toto,+ e te Atua, te Atua o toku fakaolataga,+
Ko te mea ke folafola atu ne au mo te fiafia a tou amiotonu.+
15 Ieova, ‵tala aka oku laugutu,
Ko te mea ke folafola atu ne toku gutu ou vikiga.+
16 Me i a koe e se manako ki se taulaga—moi penei ko oti ne tuku atu ne au;+
E se fiafia koe ki te taulaga ‵sunu kātoa.+
17 A taulaga kolā e fiafia ki ei te Atua e fai mo te loto salamō;
A te loto telā ko fatifati kae tuki palapala, e te Atua, ka se ‵teke ne koe.+
18 Mai tou loto ‵lei ke fai la te mea ‵lei ki Siona;
Faite aka a ‵pui o Ielusalema.
19 Tenā ka fiafia ei koe ki taulaga o te amiotonu,
Ko taulaga ‵sunu mo taulaga kātoa;
Tenā ko ofo atu ei a pulumakau tāgata i luga i tau fatafaitaulaga.+