Se Fakaasiga ki a Ioane

21 Kae ne matea ne au te lagi fou mo te lalolagi fou;+ me i te lagi mua mo te lalolagi mua ko ‵galo atu,+ kae ko seai se tai.+ 2 Ne matea foki ne au te fakai tapu, ko te Ielusalema Fou, e fanaifo mai te lagi mai te Atua+ kae ne fakatoka pelā me se fafine telā ka fakaipoipo kae e teu fakagaligali mō tena avaga.+ 3 I konā loa, ne lagona ne au se leo maluga mai i te nofogaaliki e fai mai: “Kiloke! Ko ‵nofo nei mo tino te faleie o te Atua, kae ka ‵nofo fakatasi a ia mo latou, kae ka fai latou mo ana tino. Kae ko te Atua ka ‵nofo fakatasi mo latou.+ 4 Kae ka ‵solo kea‵tea ne ia a loimata katoa mai i olotou mata,+ kae ka se toe ai se mate,+ ka se toe ai foki se fanoanoa, se tagi io me se ‵mae.+ Ko palele atu a mea mua.”

5 Kae ko te Atua telā e sagasaga i luga i te nofogaaliki,+ ne fai mai: “Kiloke! Ko faka‵fou ne au a mea katoa.”+ Ne fai mai foki a ia: “Tusi ki lalo, me i pati konei e fakamaoni* kae ‵tonu.” 6 Kae ne fai mai a ia ki a au: “Ko taunu a mea konā! Au ko te Alefa mo te Omeka,* te kamataga mo te fakaotiga.+ Ka fainu ne au so se tino telā e fiainu ki te vaipuna o te vai o te ola e aunoa mo se ‵togi.+ 7 So se tino e manumalo ka maua ne ia a mea konei, kae ka fai au mo fai tena Atua kae ka fai a ia mo fai taku tama. 8 Kae e pelā mo tino mata ma‵taku mo latou kolā e seai se fakatuanaki+ mo latou kolā e fakatakalia‵lia olotou amioga lai‵lai mo tino tatino+ mo tino kolā e fina ki amioga fakatauavaga sē ‵tau*+ mo latou kolā e faivailakau mo tino kolā e ifo ki tupua mo tino pati ‵loi katoa,+ a te lotou tusaga ko te lase ‵ka mo te pauta ‵ka.+ E fakauiga te mea tenei ki te mate fakalua.”+

9 E tokotasi te agelu mai i agelu e tokofitu kolā ne ‵nofo mo pōla e fitu kolā ne ‵fonu i mala fakaoti e fitu+ ne vau kae fai mai ki a au: “Vau, kae ka fakaasi atu ne au ki a koe a te tamafine telā ka fakaipoipo, ko te avaga a te Tamā Mamoe.”+ 10 Tenā ne ave ei ne ia au i te malosi o te agaga ki se mauga lasi kae maluga, kae ne fakaasi mai ne ia ki a au te fakai tapu ko Ielusalema ko fanaifo mai te lagi mai te Atua+ 11 kae e maua i ei te ‵malu o te Atua.+ A tena malapulapu e fai pelā me se fatu tāua ‵ki, e pelā mo te fatu ko te iasipi telā e maniania kae ‵ma pakipaki.+ 12 E isi sena ‵pui lasi kae maluga mo ana mataloa e 12 mo agelu e toko 12 i mataloa, kae ne tusi i mataloa konā a igoa o matakāiga e 12 o te fanauga a Isalaelu. 13 E tolu a mataloa i te feitu ki saegala, e tolu a mataloa i te feitu ki mātū, e tolu a mataloa i te feitu ki saute, kae e tolu foki a mataloa i te feitu ki togala.+ 14 E 12 foki a fatu fakavae i te ‵pui o te fakai, kae i luga i ei ko igoa e 12 o apositolo e toko 12+ a te Tamā Mamoe.

15 A te tino telā ne faipati mai ki a au ne puke i tena lima a te lakau aulo telā e fua ki ei a mea ko te mea ke fua ki ei te fakai mo ana mataloa mo tena ‵pui.+ 16 Kae e sikuea ‵lei te fakai, kae ko tena loa e ‵pau eiloa mo tena lauefa. Kae ne fua ne ia te fakai ki te lakau, e 12,000 setatia;* e ‵pau tena loa mo te lauefa mo te maluga. 17 Ne fua foki ne ia tena ‵pui, e 144 kupita* e ‵tusa mo te fua e fakaaoga ne tāgata, e penā foki loa mo agelu. 18 A te ‵pui ne faite ki te iasipi,+ kae ko te fakai ne faite ki te tinā aulo pelā me se kilasi. 19 A fakavae o te ‵pui o te fakai ne fakagaligali ki vaegā fatu tāua valevale: a te fakavae muamua ko te iasipi, te lua ko te safaila, te tolu ko te akate, te fa ko te emela, 20 te lima ko te satonika, te ono ko te kaneli, te fitu ko te kuate lanu ‵sega, te valu ko te pelila, te iva ko te topasa, te sefulu ko te kalesone, te sefulutasi ko te tokise, te sefululua ko te ametisi. 21 Ne faite foki a mataloa e 12 ki penina e 12; a mataloa takitasi ne faite ki te penina e tasi. Kae ko te auala lasi o te fakai ne faite ki te tinā aulo, telā e ‵ma e pelā me se kilasi.

22 Ne seki matea ne au se faletapu i loto i ei, me i a Ieova* te Atua Malosi Katoatoa+ ko tena faletapu, e pelā foki mo te Tamā Mamoe. 23 Kae ko te fakai e se manako ki te la io me ko te masina ke maina atu ki luga i ei, me i te ‵malu o te Atua e maina ki luga i ei,+ kae ko tena moli ko te Tamā Mamoe.+ 24 Kae ka sa‵sale a atufenua i tena mainaga,+ kae ka aumai ne tupu o te lalolagi a olotou ‵malu ki ei. 25 Ana mataloa ka se ‵pono eiloa i te ao, me ka se toe ai se po i konā.+ 26 Kae ka aumai ne latou te ‵malu mo te fakaaloalo o atufenua ki loto i ei.+ 27 Kae ko so se mea sē ‵ma mo so se tino telā e fai ne ia se mea fakatakalialia kae loi ka se ulu atu eiloa ki loto i ei;+ ko latou fua kolā e tusi olotou igoa i te peluga tusi o te ola a te Tamā Mamoe ka ulu ki loto.+