Ki te Kau Epelu

11 A te fakatuanaki ko te talitonu mo te mautinoa ki mea kolā e fakamoe‵moe tatou ki ei,+ ko te fakaasiga manino* o mea ‵tonu kolā e se lavea ki mata. 2 Me e auala i te mea tenei, ne molimau atu ei ki tāgata i aso mua* me ne fiafia eiloa te Atua ki a latou.

3 Ona ko te fakatuanaki, e iloa ei ne tatou me ne faite a mea katoa i te lagi mo te lalolagi e auala i te muna a te Atua, ko te mea ke mafai o matea atu a mea kolā e matea mai i mea kolā e se matea.

4 Ona ko te fakatuanaki, ne ofo atu ne Apelu se taulaga telā e sili atu tena aoga i lō te taulaga a Kaino,+ kae e auala i te fakatuanaki tenā ne maua ne ia se molimau i a ia e amiotonu, me ne talia ne te Atua ana meaalofa,+ kae e tiga eiloa ne mate tou tagata, koi faipati mai eiloa a ia+ e auala i tena fakatuanaki.

5 Ona ko te fakatuanaki, ne ave kea‵tea a Enoka+ ko te mea ke se lavea ne ia te mate, kae ne seki maua a ia i so se koga me ko oti ne ave kea‵tea a ia ne te Atua;+ me koi tuai o ave kea‵tea a ia ne maua ne ia se molimau me ne fakafiafia faka‵lei atu a ia ki te Atua. 6 E se gata i ei, e aunoa mo te fakatuanaki e se mafai o fakafiafia faka‵lei atu se tino ki te Atua, me ko so se tino e fanatu ki te Atua e ‵tau mo ia o talitonu me e ola a ia kae tuku atu ne ia te taui ki a latou kolā e ‵sala malosi ki a ia.+

7 Ona ko te fakatuanaki, i te otiga ne maua ne Noa+ a fakatonuga mai te Atua e uiga ki mea kolā e seki lavea ne ia,+ ne fakaasi atu ne ia te mataku ki te Atua kae faite te vaka+ mō te faka‵saoga o tena kāiga; kae e auala i tena fakatuanaki ne taku fakamasei ne ia te lalolagi,+ kae ne fai a ia mo fai te sui o te amiotonu telā e iku mai i te fakatuanaki.

8 Ona ko te fakatuanaki, ne fakalogo a Apelaamo+ i te taimi ne kalagagina ei a ia ke fano ki se koga telā ka fai mo fai tena tofi; ne fano a ia, e tiga eiloa e se iloa ne ia te koga e fano a ia ki ei.+ 9 Ona ko te fakatuanaki, ne nofo a ia i te fenua o te folafolaga e pelā me se tino fakaa‵tea e nofo i se fenua fakaa‵tea,+ e nofo i faleie+ fakatasi mo Isaako mo Iakopo, ko sui o te folafolaga eiloa tenā e pelā mo ia.+ 10 Me ne fakatalitali a ia ki se fakai telā e isi ne ana fakavae ‵tonu, kae telā ne fakatoka* kae faite ne te Atua.+

11 Ona ko te fakatuanaki, ne maua ne Sala te malosi ke mafai o fai sena tama* e tiga eiloa ko leva ne ‵seke ana tausaga,+ me ne iloa ne ia i te Tino telā ne fai atu ne ia te folafolaga tenā e fakamaoni.* 12 Ona ko te pogai tenei, ne fa‵nau mai ei a tama‵liki+ e se lausia mai te tagata e tokotasi, telā ko ‵pau me se tino ko mate,+ ke tokouke e pelā mo fetū i te lagi kae e se mafai o lau e pelā mo one i te tafatai.+

13 Ne ‵mate a latou katoa konei i te fakatuanaki, e tiga eiloa e seki lavea ne latou te fakataunuga o folafolaga konei;+ kae ne lavea ‵mao eiloa ne latou+ kae fia‵fia ki ei kae ne folafola atu ne latou ki tino i a latou ne tino ‵fou kae e se ‵nofo tumau i te fenua. 14 Me i a latou kolā e fai‵pati mai i te auala tenei e fakamaoni mai i ei me i a latou e ‵sala malosi ke maua se koga mō latou. 15 Kae moi ne mafau‵fau faeloa latou ki te koga ne tiaki ne latou,+ penei ko maua ne latou se avanoaga ke toe ‵foki atu ki ei. 16 Kae nei la, ko kausaki atu latou ki se koga telā e ‵lei atu, se koga i te lagi. Tela la, ko se mā te Atua i a latou ke fakaigoa a ia ne latou ki te lotou Atua,+ me ko oti ne fakatoka ne ia se fakai mō latou.+

17 Ona ko te fakatuanaki, i te taimi ne tofotofogina ei a Apelaamo,+ e pelā eiloa me ko oti ne ofo atu ne ia a Isaako​—ne taumafai te tagata telā ne maua ne ia a folafolaga mo te fiafia ke ofo atu tena tama fagasele e tokotasi+​— 18 e tiga eiloa ko oti ne fakailoa atu ki a ia: “A te tino telā ka taku ko tau tama* ka vau e auala i a Isaako.”+ 19 Kae ne manatu aka a ia me e mafai ne te Atua o toe fakatu mai a Isaako mai te mate, kae ne toe maua eiloa ne ia a Isaako i konā i se auala fakatusa.+

20 Ona ko te fakatuanaki, ne fakamanuia atu a Isaako ki a Iakopo+ mo Esau+ e uiga ki mea kolā ka oko mai.

21 Ona ko te fakatuanaki, ne fakamanuia ne Iakopo a tama tāgata taki tokotasi a Iosefa,+ i te taimi ko pili ei a ia o mate,+ kae ne tapuaki kae fakapale atu ki luga i tena tokotoko.+

22 Ona ko te fakatuanaki, ne faipati a Iosefa e uiga ki te malaga a fanau a Isalaelu i te taimi ne olo ei kea‵tea mai Aikupito kae ko pili o mate a ia; kae ne tuku atu ne ia a fakatonuga e uiga ki ana ivi.+

23 Ona ko te fakatuanaki, ne ‵funa ei a Mose ne ana mātua i masina e tolu mai tua o tena fanaumaiga,+ me ne lavea ne lāua te tinogali o te tamaliki+ kae ne seki ma‵taku lāua ki te fakatonuga a te tupu.+ 24 Ona ko te fakatuanaki, ne ita ei a Mose ma fakaigoa a ia ki te tama tagata a te tama fafine a te Falao+ i te taimi ko matua ei a ia,+ 25 kae ne filifili aka ke fai fakamasei a ia fakatasi mo tino o te Atua i lō te kau atu ki fakafiafiaga o te agasala kolā e se tumau, 26 me ne mafaufau a ia ki logo‵maega o Keliso e pelā me ne koloa e tāua atu i lō koloa o Aikupito, me ne kilo ‵tonu atu a ia ki te taui telā ka maua ne ia. 27 Ona ko te fakatuanaki, ne tiaki ei ne ia a Aikupito+ e aunoa mo te mataku ki te kaitaua o te tupu,+ me ne lavea faeloa ne ia a te Atua telā e se mafai o lavea.+ 28 Ona ko te fakatuanaki, ne fakamanatu ei ne ia te Paseka mo te faka‵pisiatuga o toto, ko te mea ke se tamate a toekimua a tino Isalaelu ne te agelu a te Atua.+

29 Ona ko te fakatuanaki, ne olo atu ei latou i loto i te Tai Kula e pelā eiloa me se laukele malō,+ kae i te taumafaiga a te kau Aikupito ki ei, ne folo latou ne te vai.+

30 Ona ko te fakatuanaki, ne ma‵toli ifo ei a ‵pui o Ieliko i te otiga ne fakatamilo ne latou i aso e fitu.+ 31 Ona ko te fakatuanaki, ne seki fakaseai ei a te fafine talitāgata ko Lahapa fakatasi mo tino kolā ne seki faka‵logo, me ne talimalo ne ia a sipai mo te filemu.+

32 Kae ne a foki la aku nisi pati ka fai atu? Me ka se mafai o lava te taimi e fakamatala atu ei ne au a tala e uiga ki a Kitiona,+ Palaka,+ Samasoni,+ Iefata,+ Tavita,+ e pelā foki mo Samuelu+ mo nisi pelofeta. 33 E auala i te fakatuanaki ne fakataka‵vale ei ne latou a malo,+ ne aumai ne latou te amiotonu, ne maua ne latou a folafolaga,+ kae ‵pono atu a gutu o leona,+ 34 ne taofi ne latou te malosi o te afi,+ ne ‵sao i te mata o te pelu,+ ne toe ma‵losi latou mai se tulaga vāivāi,+ ne loto ‵toa i taua,+ kae ne fakataka‵vale ne latou a kautau kolā ne taua atu ki a latou.+ 35 Ne maua ne fāfine olotou tino ‵mate e auala i te toetu,+ kae ne fakasauagina a nisi tāgata me ne seki talia ne latou ke fakasaoloto latou e auala i se togiola, ko te mea ke maua ne latou te toetu telā e ‵lei atu. 36 Ao, ne maua ne nisi tino olotou tofotofoga e auala i fakatauemuga mo ‵kiniga, kae e sili atu i te masei ko olotou pikifao+ mo te ‵pei ki te falepuipui.+ 37 Ne peipei latou ki fatu,+ ne tofotofogina latou, ne soa ki vaega e lua, ne ‵mate latou i te pelu,+ ne olo sāle kae ‵pei ki pa‵kili o mamoe mo pa‵kili o kouti+ i te taimi ne ma‵tiva ei latou, ne fakasauagina,+ ne fai fakama‵seigina;+ 38 kae ko te lalolagi e se aoga ki a latou. Ne olo sāle latou i toafa mo mauga mo ana+ mo lua o te lalolagi.

39 Kae ko latou katoa konei, e tiga eiloa ne maua ne latou se molimau ‵lei ona ko te lotou fakatuanaki, ne seki maua ne latou te fakataunuga o te folafolaga, 40 me ne lavea ‵mao ne te Atua se mea telā e ‵lei atu mō tatou,+ ko te mea ke mo a ma fai ke ‵lei katoatoa muamua latou i a tatou.