Salamo

26 Fakamasino mai au e Ieova, me i a au ne sasale mo toku fakamaoni;+

Ne talitonu au ki a Ieova e aunoa mo te fakalotolotolua.+

 2 Sukesuke mai au, e Ieova, kae tofotofo aka au;

Faka‵ma aka oku mafaufauga ‵loto* mo toku loto.+

 3 Me i tou alofa fakamaoni e tu faeloa i oku mua,

Kae e sasale au i tau munatonu.+

 4 E se ‵kau fakatasi* au mo tāgata kolā e uiga fakaloiloi,+

Kae ‵kalo kea‵tea au mai i a latou kolā e ‵funa olotou uiga ‵tonu.*

 5 E takalialia au ma fakatasitasi mo tāgata matagā,+

Kae e ita au ma ‵kau fakatasi* mo tino amio ma‵sei.+

 6 Ka ‵fulu oku lima ke fakaasi atu me seai soku ‵se,

Kae ka sasale fakatamilo au i tau fatafaitaulaga, e Ieova,

 7 Ke fai ei ke lagona a taku fakafetai+

Kae ke folafola atu au galuega fakaofoofogia katoa.

 8 Ieova, e fiafia au ki te fale e nofo koe i ei,+

Te koga e nofo i ei tou ‵malu.+

 9 Ke mo a ma ‵teu kea‵tea ne koe au fakatasi mo tino agasala+

Io me ave kea‵tea toku ola fakatasi mo tāgata fakasaua,*

10 Kolā e fai ne olotou lima a amioga fakamasiasi,

Kae kolā e ‵fonu olotou lima fakaatamai i ‵togi fakakolekole.

12 A toku vae e tu i te laukele laugatasi;+

I te fakapotopotoga lasi, ka ‵viki atu ei au ki a Ieova.+