Salamo
א [Alefa]
Ka ‵viki atu au ki a Ieova mo toku loto kātoa+
ב [Peta]
I te maopoopoga o tino fai mea ‵tonu mo te fakapotopotoga.
ג [Gimela]
2 A galuega a Ieova e sili;+
ד [Taleta]
E sukesuke ki ei a latou katoa kolā e maua ne latou te fiafia mai i ei.+
ה [He]
3 Ana faifaiga e ‵malu kae ‵gali,
ו [Vau]
Kae ko tena amiotonu e tumau ki te se-gata-mai.+
ז [Seini]
4 E fai ne ia ke masaua ana galuega fakaofoofogia.+
ח [Heta]
A Ieova e alofa atafai kae alofa fakamagalo.+
ט [Teta]
5 E tuku atu ne ia a meakai ki a latou kolā e ma‵taku ki a ia.+
י [Iota]
E masaua ne ia tena feagaiga ki te se-gata-mai.+
כ [Kafa]
6 Ko oti ne fakaasi atu ne ia ki ana tino ana galuega ‵mana
ל [Lameta]
Mai te tuku atu ki a latou a te tofi o fenua fakaa‵tea.+
מ [Mema]
7 A galuega o ana lima e ‵tonu kae fai mea tonu;+
נ [Nuna]
E fakatuagagina ana fakatonuga katoa.+
ס [Sameka]
8 E fakatalitonugina faeloa a mea konā, i te taimi nei ke oko eiloa ki te se-gata-mai;
ע [Aina]
Ne fai a mea konā i te munatonu mo te amiotonu.+
פ [Pe]
9 Ko oti ne avatu ne ia te fakaolataga ki ana tino.+
צ [Sati]
Ne fakatonu atu a ia i tena feagaiga e ‵tau o tumau ki te se-gata-mai.
ק [Kofa]
A tena igoa e ‵malu kae fakamataku.+
ר [Lesa]
10 A te mataku ki a Ieova ko te kamataga o te poto.+
ש [Sina]
A latou katoa kolā e tausi ki ana fakatonuga e fakaasi atu ne latou te ‵loto o te malamalama.+
ת [Tau]
Ana vikiga e tumau ki te se-gata-mai.