Hosea
13 “I te taimi ne faipati ei a Efalaima, ne pole‵pole a tino;
E lauiloa a ia i Isalaelu.+
Kae ne agasala a ia ona ko Paala+ kae mate.
2 Nei la, ne toe fakaopoopo ne latou olotou agasala
Kae fai a tupua faite mai i olotou siliva;+
Ne faite ne latou a tupua mo te apo, ko galuega katoa e fai ne tufuga faite mea.
Ne fai atu latou ki mea konā, ‘Ke sogi atu a tāgata kolā e fai olotou taulaga ki pulumakau.’+
3 Tenā ka fai ei latou e pelā mo kaumana i te tafataeao,
E pelā mo te ‵sau telā e vave galo,
E pelā mo kaiga o saito e agi mai i te koga solo saito e auala i se matagi malosi,
Kae e pelā mo te au e vau ki tua mai i se pūga o se tuafale.
4 Kae ko au ko Ieova tou Atua mai* i te fenua o Aikupito;+
E seai se Atua e iloa ne koe kae na ko au,
Kae e seai aka foki se fakaola i oku tafa.+
5 Ne iloa ne au koe i te koga lavaki,+ i te laukele telā e seai ne vai i ei.
6 Ne lotoma‵lie latou ki olotou laukele moukuā,+
Ne lotoma‵lie latou kae ne maua ne latou te loto fakamatamata.
Tenā ne puli ei i a latou au.+
7 Ka fai au e pelā me se tamā leona ki a latou,+
E pelā me se lepoti e takatokato o fakatalitali i te auala.
8 Ka oso mai au ki luga i a latou e pelā me se pea telā ko ‵galo ana tama,
Kae ka saesae ne au olotou fatafata.
Ka folo ne au latou i konā e pelā me se leona;
Ka saesae likiliki a latou ne se manu fekai o te vao.
9 Ka fakaseai ne ia koe, e Isalaelu,
Me ne ‵fuli mai koe o taua ki a au, ki te tino telā ne fesoasoani ki a koe.
10 Tefea tou tupu, ke fakasao ne ia koe mai i ou fakai katoa,+
Mo ou pule,* kolā ne fai mai koe,
‘Tuku mai se tupu mo se pelenise ki a au’?+
12 A te mea ‵se a Efalaima ko oti ne pelupelu faka‵lei;
A tena agasala e tausi faka‵lei.
13 A te ‵mae o te fafine telā ka fai o fanau ka oko atu ki a ia.
Kae ko ia se tamaliki sē poto;
E se fakasae mai a ia i te taimi ko ‵tau ei o fanau.
Te Mate, tefea tou ū ‵kati?+
Te Tanuga, tefea tau fakamaseiga?+
Ka galo eiloa te alofa atafai mai i oku mata.
15 E tiga loa e ‵tau o ola ‵lei a ia i mouku ‵loa,
Ka oko mai se matagi mai te feitu ki saegala, ko te matagi o Ieova,
E vau mai i te toafa, ke faka‵masa i ei ana vaikeli kae faka‵sali kea‵tea ana vaipuna.
Ka ‵fao ne te tino tenā ana mea tāua katoa mai i te potu ‵teu koloa.+
16 A Samalia ka agasala,+ me ne ‵teke atu a ia ki te Atua.+
Ka pa‵kū latou e auala i te pelu,+
Olotou tama‵liki ka tuki palapala,
Kae ko olotou fāfine fai‵tama ka saesae olotou tinae.”