Salamo
Ki te takitaki o te kau fai pese; ne fai ki te “Sa Fakamaseigina.” Ko te salamo a Tavita. Mikitamu.* Ko te taimi ne uga atu ei ne Saulo a tāgata o lamalama te fale o Tavita ke tamate a ia.+
59 Fakasao au mai oku fili, e toku Atua;+
Puipui au mai i a latou kolā e ‵tu ki luga o ‵teke mai ki a au.+
2 Fakasao au mai i a latou kolā e fai amioga ma‵sei,
Kae fakaola au mai i tāgata fakasaua.
3 Kiloke! E ‵nofo fakatali‵tali latou o taua mai ki a au;+
A tāgata ma‵losi e taua mai ki a au
E se ona ko au ne ‵teke atu io me ne agasala,+ e Ieova.
4 E tiga eiloa e seai saku mea ‵se ne fai, e ‵tele mai latou kae fakatoka o taua mai.
Tu aka ki luga māfai e kalaga atu au kae kilo ki ei.
5 Me i a koe, e Ieova te Atua o kautau, ko te Atua o Isalaelu.+
Ala mai kae saga tonu atu koe ki atufenua katoa.
Sa fakaasi atu te alofa fakamagalo ki so se tino faitogafiti kae loto masei.+ (Selā)
6 E ‵foki mai latou i afiafi katoa;+
E ‵tagi latou pelā me ne kuli+ kae oloolo valevale i loto i te fakai.+
7 Kilo atu ki mea e ‵ligi mai i olotou gutu;
A olotou laugutu e fai pelā me ne pelu,+
Me fai aka latou: “Ko oi e fakalogologo mai?”+
10 A te Atua telā e fakaasi mai ne ia te alofa fakamaoni ki a au ka vau o fesoasoani mai;+
Ka fai ne te Atua ke kilo atu au mo te manumalo ki oku fili.+
11 Sa tamate latou, ko te mea ke se mafai o puli i oku tino.
Fai ke olo valevale latou e auala i tou malosi;
Fai ke takavale latou, e Ieova, te motou talita.+
12 Me i te agasala o olotou gutu, ko pati o olotou laugutu,
Ke maleigina eiloa latou ne te lotou fakamata‵mata,+
Ona ko pati fakamalaia kae ‵loi kolā e faipati ne latou.
13 Fakaoti atu latou i tou kaitaua;+
Fakaoti atu latou, ko te mea ke se toe ai latou;
Fai ke iloa ne latou me ko te Atua e pule i a Iakopo penā foki mo koga ‵mao o te lalolagi.+ (Selā)
14 Tuku ke ‵foki mai latou i te afiafi;
Tuku ke ‵tagi latou e pelā me ne kuli kae oloolo valevale i loto i te fakai.+
15 Tuku ke olo valevale latou o ‵sala ne mea mo olotou ‵kai;+
Sa faigina latou ke ma‵kona io me maua se lotou koga ‵nofo.
16 Kae penei mo au, ka usu aku pese e uiga ki tou malosi;+
I te tafataeao ka faipati au mo te fiafia e uiga ki tou alofa fakamaoni.