Ielemia

39 I te iva tausaga o te pulega a te tupu o Iuta ko Setekaia, i te sefulu o masina, ne o‵mai a te tupu o Papelonia ko Nepukanesa mo tena kautau kātoa ki Ielusalema, kae nikoi ne latou.+

2 I te 11 tausaga o te pulega a Setekaia i te fa o masina, i te iva o aso o te masina, ne ofa ei ne latou te ‵pui o te fakai.+ 3 Kae ko pelenise katoa a te tupu o Papelonia ne olo atu ki loto kae saga‵saga ki lalo i te Mataloa i te Kogaloto,+ ko Nekala-salesa te Samakala, Nepo-sasekima te Lavesalisa, ko Nekala-salesa te Lavemaka,* mo pelenise katoa a te tupu o Papelonia.

4 I te laveaga ne te tupu o Iuta ko Setekaia mo sotia katoa a latou, ne ‵tele latou kea‵tea,+ kae olo ki tua mo te fakai i te po e auala i te fatoaga a te tupu, i loto i te mataloa telā e tu i te va o ‵pui e lua, kae ne olo atu latou i te auala telā e fano ki te Alapaa.+ 5 Kae ne afuli latou ne te kautau a tino Kaletaia, kae ne maua ne latou a Setekaia i koga laugatasi o Ieliko.+ Ne puke ne latou a ia kae aumai ki te tupu o Papelonia ko Nepukanesa* i Lipila+ i te fenua o Hamata,+ tenā ne fai ei ne ia tena fakamasinoga. 6 Ne fai ne te tupu o Papelonia ke tamate a tama tāgata a Setekaia i ana mua eiloa i Lipila, kae ne fai ne te tupu o Papelonia a tino tāua katoa o Iuta ke tamate.+ 7 Tenā ne fai ei ne ia ke ‵kivi a mata o Setekaia, oti aka saisai ei ne ia ki mea pikifao kopa ke aumai a ia ki Papelonia.+

8 Ne ‵sunu ne tino Kaletaia te fale* o te tupu mo fale o tino,+ kae ne ofa ne latou ki lalo a ‵pui o Ielusalema.+ 9 Ne ave fakapagota ne Nepusalatana+ te pule o leoleo a te ‵toega o tino kolā ne tiaki i te fakai, mo tino kolā ne ‵sola o olo atu ki a ia, mo so se tino telā ne ‵toe, ki Papelonia.

10 Kae ne tiaki ne Nepusalatana te pule o leoleo i te fenua o Iuta a nisi tino mai toe tino ma‵tiva eiloa, ko latou kolā e seai eiloa ne olotou mea. I te aso tenā ne tuku atu foki ne ia ki a latou a togavine mo laukele ke ga‵lue i ei.+

11 A te tupu o Papelonia ko Nepukanesa* ne tuku atu ne ia ki a Nepusalatana te pule o leoleo a fakatonuga konei e uiga ki a Ielemia: 12 “Puke a ia kae tausi ki ei; sa fakapakia a ia, kae fai so se mea e manako a ia ki ei.”+

13 A Nepusalatana te pule o leoleo, Nepusasapana te Lavesalisa,* Nekala-salesa te Lavemaka,* mo tāgata lauiloa katoa a te tupu o Papelonia ne uga te lotou fekau 14 kae fai ke puke mai a Ielemia i te Koga Ateatea o te Leoleo+ kae tuku atu a ia ki a Ketalia+ te tama tagata a Aikamo+ te tama tagata a Safana+ ke ave a ia ki tena fale. Tenā ne ‵nofo ei a ia fakatasi mo nisi tino.

15 I te taimi koi taofi ei a Ielemia i te Koga Ateatea o te Leoleo,+ ne oko mai te fekau a Ieova ki a ia, ana muna: 16 “Fano o fai ki a Epetimeleka+ te Aitiope, ‘Konei a pati a Ieova o kautau, te Atua o Isalaelu ne fai mai: “Ko fakataunu nei ne au aku pati ne fai ki te fakai tenei e uiga ki te puapuaga kae e se ki te ‵lei, kae ka lavea ne koe a te mea tenā e tupu i te aso tenā.”’

17 “‘Kae ka fakasao ne au a koe i te aso tenā,’ ko te folafolaga a Ieova, ‘kae ka se tuku atu eiloa koe ki tino kolā e mataku koe i ei.’

18 “‘Me ka fakatoka eiloa ne au te auala e sao koe i ei, kae ka se takavale koe i te pelu. Ka fai eiloa tou ola e pelā me se taui telā ne maua mai i te taua,+ me i a koe ne talitonu ki a au,’+ ko te folafolaga a Ieova.”