Ielemia

38 A Sefatia te tama tagata a Matana, Ketalia te tama tagata a Pasula, Iukala+ te tama tagata a Selemia, mo Pasula+ te tama tagata a Malakita ne ‵logo i pati a Ielemia ne fai ki tino katoa, ana muna: 2 “Konei a pati a Ieova ne fai mai, ‘A te tino telā e ‵toe i loto i te fakai tenei ka mate i te pelu, te oge mo te famai.+ Kae ko te tino telā e fakamalalo ki tino Kaletaia ka tumau i te ola kae ka fai tena ola e pelā me se taui telā ne maua mai i te taua kae ola eiloa a ia.’+ 3 Konei a pati a Ieova ne fai mai, ‘A te fakai tenei ka tuku atu eiloa ki te kautau a te tupu o Papelonia, kae ka puke ne ia.’”+

4 Ne fai atu a pelenise ki te tupu: “Fakamolemole, tamate aka a te tagata tenei,+ me tenei te auala e faka‵tuka ei ne ia te loto ma‵losi* o sotia kolā e ‵toe i te fakai tenei, e pelā foki mo tino katoa, mai te faipati atu ki a latou a vaegā pati penei. Me i te tagata tenei e se ‵sala ki te filemu o te fenua, kae ki te lotou puapuaga.” 5 Ne tali atu te Tupu ko Setekaia: “Kiloke! Ko i otou lima a ia, me e seai se mea e mafai ne te tupu o fai ke taofi ei koutou.”

6 Tenā ne puke ei ne latou a Ielemia kae ‵pei ki loto i te vaikeli o Malakita te tama tagata a te tupu, telā e tu i te Koga Ateatea o te Leoleo.+ Ne tukutuku ifo ne latou a Ielemia i lōpu. E seai ne vai i loto i te vaikeli, ne pela fua kae ne kamata o goto ifo a Ielemia ki lalo i te pela.

7 A Epetimeleka+ te Aitiope, se eunuka* i te fale* o te tupu, ne logo me ne tuku ne latou a Ielemia ki loto i te vaikeli. I te taimi tenā, a te tupu e sagasaga i te Mataloa o Peniamina,+ 8 tenā ne fano ei a Epetimeleka ki tua mo te fale* o te tupu kae faipati atu ki te tupu, ana muna: 9 “Toku aliki te tupu, a te mea ne fai ne tāgata konei ki a Ielemia te pelofeta se mea matagā! Ne ‵pei ne latou a ia ki te vaikeli, kae ka mate a ia i konā ona ko te oge, me ko seai ne meakai e ‵toe i te fakai.”+

10 Tenā ne fakatonu atu ei te tupu ki a Epetimeleka te Aitiope: “Puke a tāgata e toko 30 mai konei kae ‵futi aka a Ielemia te pelofeta ki tua mo te vaikeli koi tuai a ia o mate.” 11 Tenā ne puke ei ne Epetimeleka a tāgata kae olo atu ki te fale* o te tupu ki se koga mai lalo o te koga ‵teutupe,+ kae ne puke aka ne latou mai i konā a laugatu ma‵sei kae masae‵sae kae tukutuku ifo ne latou i lōpu ki lalo i a Ielemia i loto i te vaikeli. 12 Tenā ne fai atu ei a Epetimeleka te Aitiope ki a Ielemia: “Fakamolemole, tuku a laugatu ma‵sei kae masae‵sae i te va o ou afiga mo lōpu.” Ne fai eiloa ne Ielemia te mea tenā, 13 kae ne ‵futi aka ne latou a Ielemia ki lōpu kae tapale ki tua mo te vaikeli. Kae ne nofo eiloa a Ielemia i te Koga Ateatea o te Leoleo.+

14 Ne uga atu te fekau a te Tupu ko Setekaia ki a Ielemia te pelofeta ke vau ki a ia i te tolu o mataloa, telā e tu i te fale o Ieova, kae ne fai atu te tupu ki a Ielemia: “E isi saku mea e fia fesili atu ki a koe. Sa ‵funa ne koe se mea mai i a au.” 15 Tenā ne fai atu ei a Ielemia ki a Setekaia: “Kafai e fai atu ne au, ka tamate eiloa ne koe au. Kae kafai e tuku atu ne au ne pati fakatonutonu, ka se fakalogo eiloa koe ki a au.” 16 Tenā ne tauto ‵muni atu ei te Tupu ko Setekaia ki a Ielemia, ana muna: “E pelā eiloa mo Ieova e ola, telā ne tuku mai ne ia te ola tenei ki a tatou, ka se tamate eiloa ne au a koe, kae ka se tuku atu foki ne au a koe ki tāgata kolā e taumafai o tamate koe.”*

17 Ne fai atu a Ielemia ki a Setekaia: “Konei a pati a Ieova te Atua o kautau, te Atua o Isalaelu ne fai mai, ‘Kafai e fakamalalo koe ki pelenise a te tupu o Papelonia, ka fakasao eiloa tou ola, kae ka se ‵sunu eiloa te fakai tenei ki te afi, kae ko koe mo tou kāiga ka faka‵sao.+ 18 Kae kafai e se fakamalalo koe ki pelenise a te tupu o Papelonia, ka tuku atu a te fakai tenei ki lima o tino Kaletaia, kae ka ‵sunu ne latou ki te afi,+ kae ka se sao koe mai i olotou lima.’”+

Ne fai ne latou ke ‵goto ifo ou vae ki lalo i pela.

Ko oti nei latou ne ‵fuli kea‵tea o ‵foki.’

23 Kae ko otou avaga fāfine katoa mo otou tama tāgata ka aumai ne latou ki tua i tino Kaletaia, kae ka se sao eiloa koe mai i olotou lima, kae ka puke koe ne te tupu o Papelonia,+ kae ona ko koe ka ‵sunu ei te fakai tenei ki te afi.”+

24 Tenā ne fai atu ei a Setekaia ki a Ielemia: “Ke mo a eiloa e fakailoa atu a mea konei ki se tino, ko te mea ke se mate koe. 25 Kae kafai e ‵logo a pelenise me i a au ne fai‵pati mo koe kae o‵mai latou o fai atu ki a koe, ‘Fakamolemole, fakailoa mai ki a matou a pati ne fai ne koe ki te tupu. Sa ‵funa se mea mai i a matou, kae ka se tamate ne matou a koe.+ Ne a pati a te tupu ne fai atu ki a koe?’ 26 e ‵tau mo koe o tali atu ki a latou, ‘Au ne fakamolemole ki te tupu ke se uga atu ne ia au ki te fale o Ieonatana ke mate i konā.’”+

27 Fakamuli ifo, ne o‵mai a pelenise katoa ki loto i a Ielemia kae fesili atu ki a ia. Ne fai atu ne ia ki a latou a mea katoa ne fakatonu atu ne te tupu ke fai atu ne ia. Tenā ne seki toe ai ei ne olotou pati ne fai atu ki a ia, me seki ai se tino ne logo i te sautalaga tenā. 28 Ke oko ki te aso ne puke ei a Ielusalema, ne nofo eiloa a Ielemia i te Koga Ateatea o te Leoleo;+ koi nofo eiloa a ia i konā i te taimi ne puke ei a Ielusalema.+