Mika
2 “Kalofa eiloa i a latou kolā e faitogafiti ma‵sei,
Kolā e mafau‵fau ki amioga matagā i luga i olotou moega!
Kafai ko oko mai te mainaga o te vaveao ko fakataunu ei ne latou olotou aofaga,
Me e maua i olotou lima te malosi ke fai penā.+
2 E ma‵nako latou ki laukele kae ‵fao ne latou;+
E pelā foki mo fale, kae puke ne latou;
E puke ne latou a mea a se tagata mo tena kāiga i auala sē ‵tonu,+
Se tagata e isi sena tofi.
3 Tela la, konei a pati a Ieova ne fai mai:
‘Ko fai nei ne au se fakalavelave ke ‵teke atu ki te kāiga tenei+ kae ka se mafai o ‵sao koutou i ei.+
A koutou ka se toe sa‵sale mo te fakamata‵mata,+ me ko oko ki te taimi o te fakalavelave.+
4 I te aso tenā ka tauloto ne tino se faigamuna e uiga ki a koutou,
Kae ka ‵tagi fanoanoa latou ona ko koutou.+
Ka fai mai latou: “A tatou ko oti ne fakamasei katoatoa!+
Ko oti ne tuku atu ne ia te vaega o oku tino ki nisi tino—ne puke kea‵tea ne ia mai i a au!+
Ne vaevae ne ia ‵tou laukele ki tino sē fakamaoni.”
5 Tela la, ka seai se tino a koe ke ‵futi ne ia te uka e fua ei a mea,
Ke vaevae te laukele i loto i te fakapotopotoga a Ieova.
6 “Ko lava te talai!” ko te lotou talaiga,
“E se ‵tau mo latou o talai atu a mea konei;
A te masiasi ka se oko mai ki a matou!”
7 E te kāiga o Iakopo, ne fai mai a tino:
“E a, ko se lava te kufaki i te agaga o Ieova?
E a, konei ana faifaiga?”
E a, e se aumai ne aku pati se mea ‵lei ki tino kolā e sa‵sale i te fai mea tonu?
8 Kae fakamuli nei ne ‵tu aka oku tino e pelā me se fili.
Ne ‵sae kea‵tea ne koutou a teuteuga ‵gali mai i te gatu
Mai i a latou kolā e ui atu i ei mo te loto talitonu, e pelā mo latou kolā ko ‵foki mai i te taua.
9 E afuli ne koutou ki tua a fāfine o toku fenua mai i olotou fale ‵gali;
E ave kea‵tea ne koutou toku gali mai i olotou tama‵liki ki te se-gata-mai.
10 ‵Tu ki luga kae olo, me i te koga tenei e sē se koga ma‵nava.
Ona ko te se ‵ma,+ ko isi ei se fakamaseiga, se fakamaseiga lasi ‵ki.+
11 Kafai e sasale se tagata i tua o te matagi mo te loi kae fai atu ne ia te loi tenei:
“Au ka talai atu ki a koe e uiga ki uaina mo meainu ma‵losi,”
Tenā ko fai ei a ia mo fai te tino talai ki tino eiloa konei!+
12 Ka fakamaopoopo mai eiloa ne au a koutou katoa, e Iakopo;
Ka fakamaopoopo fakatasi eiloa ne au a te ‵toega o Isalaelu.+
I te ‵kau fakatasi, ka tuku ne au latou e pelā me ne mamoe ki loto i se lulu,
E pelā me se lafu mamoe i ana laukele moukuā;+
Ka logoa eiloa i tino.’+
13 A te tino e ofa ne ia ka fano i olotou mua;
Ka ofa ne latou kae olo atu i te mataloa o te lulu o olo ki tua.+
A te lotou tupu ka fanatu i mua o latou,
Fakatasi mo Ieova i olotou mua.”+