Te Muamua Nofoaiga Tupu

23 I te taimi ko toeaina ei a Tavita kae ko pili o mate,* ne fai ne ia tena tama tagata ko Solomona mo fai te tupu o Isalaelu.+ 2 Tenā ne fakamaopoopo mai ei ne ia a pelenise katoa o Isalaelu, faitaulaga+ mo tino Levi.+ 3 Ne lau+ aka a tino Levi kolā ko taki 30 olotou tausaga o fano ki luga; kae ko te lotou aofaki, e toko 38,000. 4 Mai i a latou konei, e toko 24,000 ne fai pelā me ne tino fakatonutonu o galuega i te fale o Ieova, kae toko 6,000 a ofisa mo famasino,+ 5 kae e toko 4,000 a tino tausi mataloa,+ kae toko 4,000 e avatu ne latou a vikiga+ ki a Ieova i te fakaaogaga o mea fakatagi‵tagi kolā ne fai mai ei a Tavita, “Ne faite ne au a mea konā ke avatu i ei a vikiga.”

6 Tenā ne fakatoka* ei ne Tavita a tino konā ki potukau+ e ‵tusa mo tama tāgata a Levi: ko Kelesona, Koate mo Melali.+ 7 Mai tino Kelesona ko Latana mo Simei. 8 A tama tāgata a Latana e tokotolu, ko Ieielu te takitaki, Setama mo Ioelu.+ 9 A tama tāgata a Simei e tokotolu, ko Selomota, Hasielu mo Halana. Konei a ulu o kāiga i olotou tamana mai i a Latana. 10 Kae ko tama tāgata a Simei ko Iaata, Siena, Ieusa mo Pelia. A te tokofa konei ko tama tāgata a Simei. 11 A Iaata ko te takitaki kae ko Sisaa ko te tokolua. Kae ona la ko Ieusa mo Pelia e se tokouke a lā tama tāgata, ne lau aka ei a lāua e pelā me se kāiga e tasi kae tasi foki te galuega e fai ne lāua.

12 A tama tāgata a Koate e tokofa, ko Amalamo, Isala,+ Hepelona mo Usieli.+ 13 A tama tāgata a Amalamo ko Alona+ mo Mose.+ Kae ko Alona ne ‵vae katoatoa kea‵tea+ ke fakatapu ne ia te Potu Tafasili i te Tapu, ko ia mo ana tama tāgata, ke ofo atu a taulaga i mua o Ieova, ke tavini atu ki a ia, kae ke fakamanuia atu faeloa+ a tino i tena igoa. 14 E pelā mo Mose te tagata o te Atua tonu, ne aofia ana tama tāgata i te matakāiga o tino Levi. 15 A tama tāgata a Mose ko Kelesoma+ mo Eliesa.+ 16 Mai tama tāgata a Kelesoma ko Sepuelu+ te takitaki. 17 Mai tino kolā ne ‵tupu mai* i a Eliesa, ko Lehapaia+ te takitaki; a Eliesa e seai ne ana nisi tama tāgata, kae ko tama tāgata a Lehapaia e tokouke ‵ki. 18 Mai tama tāgata a Isala,+ ko Selomita+ te takitaki. 19 A tama tāgata a Hepelona ko Ielia te takitaki, Amalia te tokolua, Iasielu te tokotolu mo Iekameamo+ te tokofa. 20 A tama tāgata a Usieli+ ko Mika te takitaki mo Isilaia te tokolua.

21 A tama tāgata a Melali ko Mali mo Musi.+ A tama tāgata a Mali ko Eleasalo mo Kiso. 22 Ne mate a Eleasalo kae e seai ne ana tama tāgata, kae ne tama fāfine fua. Tenā ne puke ei latou ne tama tāgata a Kiso, ko olotou kāiga,* mo fai olotou avaga. 23 A tama tāgata a Musi e tokotolu, ko Mali, Eta mo Ielemota.

24 Konei a tama tāgata a Levi e ‵tusa mo ulu o kāiga i olotou tamana, ko ulu o kāiga i olotou tamana, kolā ne fakamau olotou igoa, ne lau te lotou aofaki, kae tusi olotou igoa kae ne fai ne latou te galuega i te taviniga i te fale o Ieova, mai te 20 tausaga o fano ki luga. 25 Me ne fai mai a Tavita: “A Ieova te Atua o Isalaelu ne tuku atu ne ia te malōlōga ki ana tino,+ kae ka nofo a ia i Ielusalema ki te se-gata-mai.+ 26 A tino Levi foki ka se sau ne latou te faleie tapu io me ko ana meāfale kolā e fakaaoga i tapuakiga.”+ 27 Me e ‵tusa mo te ‵toe fakatonuga a Tavita, a tino Levi kolā ko taki 20 tausaga o fano ki luga e lau katoa. 28 A te lotou galuega ko te fesoasoani atu ki tama tāgata a Alona+ i te taviniga i te fale o Ieova, ke pule atu ki koga ateatea,+ potu ‵kai, faka‵māga o mea tapu katoa, mo so se galuega e manakogina mō te taviniga i te fale o te Atua tonu. 29 Ne fesoasoani atu latou i te faiga o falaoa,*+ falaoa ‵mata kae ‵lei mō te taulaga meakai, te falaoa manifinifi sē faka‵fete,+ keke e ‵tunu i te fiti pukupuku kae pāpā, te palugā falaoa,+ mo te fuāga o mea kese‵kese katoa. 30 E ‵tau o ‵tu atu latou i tafataeao katoa+ o fakafetai kae ‵viki atu ki a Ieova, e penā foki i te afiafi.+ 31 Ne fesoasoani atu latou i so se taimi e ofo atu ei a taulaga ‵sunu ki a Ieova i Sapati,+ i masina sae,+ mo taimi o ‵kaiga fiafia,+ e ‵tusa mo te aofaki e manakogina i te tulafono e uiga ki ei, kae fai faeloa penā i mua o Ieova. 32 Ne tausi atu foki latou ki olotou tiute i te faleie o maopoopoga, te koga tapu, mo olotou taina ko tama tāgata a Alona i te lotou taviniga i te fale o Ieova.