Hosea
8 “Tuku se pu ki tou gutu!+
2 E ka‵laga mai latou ki a au, ‘Te motou Atua, a matou, Isalaelu, e iloa ne matou a koe!’+
3 Ko oti ne ‵teke ne Isalaelu a te mea ‵lei.+
Ke afuli eiloa a ia ne se fili.
4 Ne faka‵sopo aka ne latou a tupu, kae e se auala mai i a au.
Ne faka‵sopo aka ne latou a pelenise, kae e seki talia ne au latou.
5 A tau tamā pulumakau ko oti ne ave kea‵tea, e Samalia.+
A toku kaitaua ko ‵ka ki a latou.+
Ka pefea te leva e se mafai ei ne latou o faka‵ma a latou eiloa?
6 Me i te mea tenei e maua mai Isalaelu.
Ne faite ne se tufuga faite mea, kae e se ko te Atua;
A te tamā pulumakau o Samalia ka katikati fakalikiliki.
7 Me e ‵toki ne latou te matagi,
Kae ka tau ne latou se matagi malosi.+
E seai se kausaito e fua mai ei a fuaga saito ‵pala ‵lei;+
So se mea e somo aka e se maua mai i ei te falaoa.
Kafai e mafai o fua mai penā, ka folo eiloa ne tino fakaa‵tea a mea konā.+
8 A Isalaelu ka folo ne te fili.+
Ka ‵nofo atu nei latou fakatasi mo atufenua,+
E pelā me se ipu e se manakogina.
9 Me ko oti ne olo aka latou ki Asulia,+ e pelā me se asini vao e tasi.
Ko oti ne ‵togi ne Efalaima a tino e fiafai a ia ki ei.+
10 E tiga eiloa ne ‵togi mai ne latou a latou konei mai atufenua,
Ka fakamaopoopo mai nei ne au latou;
Ka kamata latou o logo‵mae+ ona ko te amoga a te tupu mo pelenise.
11 Me ne fakaopoopo ne Efalaima a fatafaitaulaga ki te agasala.+
Ne fai a mea konā mo fai ana fatafaitaulaga o te agasala.+
12 Ne tusi ne au mō ia a mea e uke o taku tulafono,
Kae ne fai a mea konā e pelā me se mea fai fakaa‵tea.+
13 E ofo mai ne latou a taulaga o meaalofa ki a au, kae e kai ne latou a ‵kano o manu,
Kae e se fiafia eiloa a Ieova ki mea konā.+
Nei la, ka masaua ne ia olotou mea ‵se kae fakasala latou ona ko olotou agasala.+
Ko toe ‵fuli atu latou ki Aikupito.+
14 Ko puli i Isalaelu a te Atua telā ne faite ne ia a ia+ kae ko faite a faletapu,+
Kae ko Iuta ko oti ne fakaopoopo atu ne ia ana fakai e puipui faka‵lei.+
Kae ka uga atu ne au a te afi ki ana fakai,
Kae ka ‵sunu i ei a taoa o fakai takitasi konā.”+