Salamo
Ko te pese a Asafo.+
82 E tu a te Atua i tena tulaga i te maopoopoga o tino e pelā me ne atua;*+
I te kogaloto o te koga e ‵tu ei a atua e fai ei tena fakamasinoga:+
2 “E pefea te leva ka tumau ei koe i te faiga o fakamasinoga sē ‵tonu+
Kae fakaasi atu te fakailoga tino ki tino amio ma‵sei?+ (Selā)
3 ‵Pulu* a te tino malalo mo te tamaliki e seai sena tamana,+
Fai te fakamasinoga tonu ki te tino vāivāi mo te tino mativa.+
4 Fakasao a tino ma‵lalo mo tino ma‵tiva;
Fakaola aka latou mai i lima o tino amio ma‵sei.”
5 E se iloa ne latou, io me malamalama;+
E sa‵sale valevale latou i te pouliga;
A fakavae katoa o te lalolagi ko gasue‵sue.+
6 “Ko oti au ne fai atu, ‘A koutou ne atua,+
A koutou katoa ko tama a te Atua Tafasili i te Maluga.
7 Kae ka ‵mate koutou e pelā eiloa mo tāgata;+
Kae e pelā mo nisi pelenise aka ka ‵siga eiloa koutou!”+
8 Tu ki luga e te Atua, kae fakamasino te lalolagi,+
Me i atufenua katoa i a koe.