Salamo

85 Ko oti ne talia ne koe, e Ieova, tou fenua;+

Ne faka‵foki mai ne koe a tino o Iakopo kolā ne ave fakapagota.+

 2 Ne fakamagalo ne koe a mea ‵se a ou tino;

Ne fakamagalo* ne koe olotou agasala katoa.+ (Selā)

 3 Ne taofi ne koe tou kaitaua;

Ne ‵fuli kea‵tea koe mai te ‵vela o tou kaitaua.+

 4 Faka‵foki mai matou,* e te Atua o te motou fakaolataga,

Kae fakatafa aka a tou sē fiafia ki a matou.+

6 E a, ka se toe fakamalosi aka eiloa ne koe matou

Ko te mea ke fia‵fia ou tino ona ko koe?+

7 Fakaasi mai ki a matou tou alofa fakamaoni, e Ieova,+

Kae tuku mai ki a matou tau fakaolataga.

8 Ka fakalogo au ki pati e fai mai ne te Atua tonu,

Me ka faipati a ia ki te filemu ki ana tino,+ ki ana tino fakamaoni,

Kae ke mo a latou e toe tali‵tonu ki a latou eiloa.+

9 E mautinoa me i tena fakaolataga e pili ki a latou kolā e ma‵taku ki a ia,+

Ko te mea ke nofo tena ‵malu i te ‵tou fenua.

10 A te alofa fakamaoni mo te fakamaoni ka fetaui fakatasi;

A te amiotonu mo te filemu ka olo fakatasi.+

11 A te fakamaoni ka tupu aka mai te lalolagi,

Kae ko te amiotonu ka kilo ifo mai te lagi.+

12 Ao, ka tuku mai ne Ieova a mea ‵lei,*+

Kae ko te ‵tou laukele ka ‵fua mai i ei ana fuataga.+

13 Ka sasale atu a te amiotonu i ana mua+

Kae ka fakatoka se auala mō ana kalafaga.