Salamo
Ki te takitaki o te kau fai pese. Ko te salamo a Tavita. Se pese.
109 Te Atua telā e tavae ne au,+ sa nofo filemu.
2 Me i tino amio ma‵sei mo tino ‵loi e faka‵maga olotou gutu o ‵teke mai ki a au.
E fai‵pati latou e uiga ki a au mo te loi;+
3 E fakatamilo ne latou au ki pati fakatakalialia,
Kae e taua mai ki a au e aunoa mo se pogai.+
4 E tiga eiloa ne alofa au ki a latou kae ‵teke mai latou ki a au;+
Kae e tumau loa au i te ‵talo atu.
6 Fakasopo aka se tino amio masei ke pule i a ia;
Ke tu atu se tino ‵teke i tena feitu fakaatamai.
7 Kafai ko fakamasino a ia, ke taku eiloa a ia me e ‵se;*
Ke fai foki tena ‵talo e pelā me se agasala.+
9 Ke fai ana tama‵liki* e pelā me ne tama‵liki e seai ne tamana,
Kae ko tena avaga e pelā me se fafine ko mate tena avaga.
10 Ke fai ana tama‵liki* e pelā me ne tino akai mea kolā e oloolo valevale,
O ‵sala meakai mai olotou fale kolā ko oti ne fakamasei.
11 Ke puke ne te tino ne kaitalafu a ia i ei* ana mea katoa,
Kae ke ‵fao ne tino fakaa‵tea ana kope.
12 Ke seai eiloa se tino e fakaasi atu te atafai* ki a ia,
Kae ke seai se tino e fakaasi atu te alofa ki ana tama‵liki e seai se lotou tamana.
13 Ke ‵kati kea‵tea a tino kolā ne ‵tupu mai i a ia;+
Ke ‵solo kea‵tea olotou igoa mai loto i se kautama e tasi.
14 Ke masaua eiloa ne Ieova a te mea ‵se a ana tupuga,+
Kae ke se ‵solo eiloa kea‵tea a te agasala a tena mātua.
15 Ke masaua faeloa ne Ieova a te mea ne fai ne latou;
Kae ke ‵kati kea‵tea ne ia a fakamasausauga o latou mai te lalolagi.+
16 Me ne seki masaua ne ia o fakaasi atu te atafai,*+
Kae ne tumau a ia i te ‵sala atu ki te tagata ne fakasauagina,+ mativa kae loto mafatia
Ke tamate a ia.+
17 Ne fiafia a ia o fai atu a pati fetū, kae tenā te mea ne oko ki a ia;
E seai se manakoga i a ia ke fakamanuia atu, tela la, e seai ne fakamanuiaga ne maua ne ia.
18 Ne pei a ia ki pati fetū e pelā me ko tena gatu.
Kae ne ‵ligi atu a mea konā ki tena foitino e pelā me ne vai,
Ki loto i ana ivi e pelā me se sinu.
19 Ke fai eiloa ana pati fetū e pelā mo te laugatu telā e pulupulu a ia ki ei+
Kae pelā me se fusi telā e pei faeloa a ia ki ei.
20 Tenei te ‵togi mai i a Ieova ki te tino e ‵teke mai ki a au+
Mo latou kolā e fai‵pati ki mea matagā e uiga ki a au.
21 Kae ko koe, e Ieova te Aliki Sili,
Fai aka se faiga mō oku ona ko tou igoa.+
Fakasao mai au, ona ko te ‵lei o tou alofa fakamaoni.+
23 Ko pili fua au o galo atu e pelā me se ata telā ko fano o galo;
Ko oti au ne lūlū e pelā me se seakelise.
24 A oku tulivae ko vāi‵vai ona ko te fakalikiliki;
A toku foitino ko pakā, kae ko au ko se aoga.
25 Ko fai au mo mea fakatauemu a latou.+
Kafai e lavea ne latou au, e lūlū olotou ulu.+
26 Fesoasoani mai ki a au, e Ieova toku Atua;
Fakaola mai au e ‵tusa mo tou alofa fakamaoni.
27 Kae ke iloa ne latou me i te mea tenei ko tou lima;
Kae ko koe, e Ieova, ne fai ne koe te mea tenā.
28 Ke fai ne latou ne pati fetū, kae ke fakamanuia ne koe.
Kafai e ‵tu aka latou o ‵teke ki a au, ke fakamasiasigina latou,
Kae ke fiafia eiloa tau tavini.
29 Ko latou kolā e ‵teke mai ki a au ke fakapei ki te masiasi;
Ke pulupulu latou ki te lotou masiasi e pelā me se gatu ‵loa.+
30 A toku gutu ka tavae malosi eiloa ki a Ieova;
Ka ‵viki ne au a ia i mua o tino e tokouke.+
31 Me ka tu a ia i te lima fakaatamai o te tino mativa
O fakaola a ia mai i a latou kolā e taku fakamasei a ia.