Te Muamua Samuelu

18 I te otiga ne faipati a Tavita ki a Saulo, ne fai a Ionatana+ mo Tavita e pelā me ne taugasoa ‵pili, kae ne kamata a Ionatana o alofa ki tou tagata e pelā mo ia ki a ia eiloa.+ 2 Mai te aso tenā ne taofi ei ne Saulo a Tavita ke ‵nofo mo ia, kae ne seki talia ne ia ke toe foki tou tagata ki te fale o tena tamana.+ 3 Kae ne fai ne Ionatana mo Tavita se feagaiga,+ me ne alofa a ia ki tou tagata e pelā mo ia ki a ia eiloa.+ 4 Ne tapale ne Ionatana a tena gatu ‵loa telā ne pei a ia ki ei kae tuku atu ki a Tavita, fakatasi mo tena suā gatu, tena pelu, tena kausana mo tena fusi. 5 A Tavita ne kamata o fano sāle o taua kae ne manumalo+ i so se koga ne uga a ia ne Saulo ki ei. Tenā ne fai ei ne Saulo a ia ke fai mo takitaki o ana tāgata tau,+ kae ne fia‵fia ki ei a tino katoa e pelā foki mo tavini a Saulo.

6 I te taimi ne ‵foki mai ei a Tavita mo nisi tino mai te fakatakavalega o tino Filisitia, ne o‵mai a fāfine mai fakai katoa o Isalaelu o fakafetaui ki te Tupu ko Saulo kae usu olotou pese+ kae ‵saka mo olotou samupelini+ mo te fia‵fia mo olotou kitala. 7 A fāfine kolā ne fai a fakafiafiaga ne usu atu penei:

8 Ne kaitaua+ malosi a Saulo, kae ne fanoanoa a ia i te pese tenei me ne fai mai a ia: “E fai ne latou me ne ‵ta ne Tavita e taki toko sefuluafe, kae ko au e taki tokoafe. E tasi fua te mea koi ‵toe ko te tuku atu o te pulega fakatupu+ ki a ia!” 9 Mai te aso tenā o fano ki mua ne nofo faeloa a Saulo o lamalama a Tavita.

10 I te suā aso ne oko atu te agaga masei mai te Atua ki a Saulo,+ kae ne kamata o fai ne ia a faifaiga fai fakaa‵tea i loto i te fale, kae ko Tavita i te taimi tenā e tātā tena kitala+ e pelā eiloa mo taimi mua. A Saulo e puke te tao i tena lima,+ 11 kae velo atu ne ia te tao+ kae fai ifo ki a ia eiloa: ‘Ka velo ne au a Tavita ke ‵mau ki te ‵pui!’ Kae ne sao fakalua a Tavita mai i a ia. 12 Tenā ne mataku ei a Saulo i a Tavita me i a Ieova ne fakatasi atu ki a ia,+ kae ko oti ne tiakina ne ia a Saulo.+ 13 Tenā ne uga ei kea‵tea a ia ne Saulo kae fakasopo aka mo fai se takitaki o taki tokoafe, ko te mea ke takitaki ne Tavita a te kautau ki te taua.+ 14 Ne manuia+ faeloa a Tavita i ana mea katoa ne fai, kae ne fakatasi atu a Ieova ki a ia.+ 15 Kae i te taimi ne lavea ei ne Saulo me ne manuia faeloa a Tavita, ne kamata a ia o mataku i tou tagata. 16 Kae ko tino katoa o Isalaelu mo Iuta ne fia‵fia ki a Tavita me ne takitaki ne ia latou i olotou taua.

17 Fakamuli ifo, ne fai atu a Saulo ki a Tavita: “Tenei taku tama fafine matua ko Melapa.+ Ka tuku atu ne au a ia ki a koe mo fai tau avaga.+ Kae e ‵tau o tumau koe i te fakaasimaiga o te loto toa ki a au kae taua atu i taua a Ieova.”+ Me ne fai ifo a Saulo ki a ia eiloa: ‘Ke mo a eiloa e oko oku lima ki a ia. Kae tuku ke mate a ia i lima o tino Filisitia.’+ 18 I konā ne fai atu a Tavita ki a Saulo: “Ko oi au kae ko oi oku kāiga, te kāiga o toku tamana i Isalaelu, ke avaga au mo te tama a te tupu?”+ 19 I te okoatuga ki te taimi ke tuku atu ei a te tama fafine a Saulo ko Melapa ki a Tavita, kae ko oti ne tuku atu tou fafine ke fai mo avaga a Atilielu+ te tagata Meola.

20 A te tama fafine a Saulo, ko Mekala+ ne fia‵fai mo Tavita, kae ne fakailoa atu a te mea tenā ki a Saulo, kae ne fiafia a ia ki ei. 21 Ne fai aka a Saulo: “Ka tuku atu ne au a tou fafine ki a ia ke fai pelā me se malei ki a ia, ko te mea ke mafai o mate a ia i lima o tino Filisitia.”+ Tenā ne fai atu ei a Saulo ki a Tavita i te lua o taimi: “Ka fai ne tāua se feagaiga i te aso nei e auala i se fakaipoipoga.” 22 E se gata i ei, ne fakatonu atu a Saulo ki ana tavini: “Fai‵pati ‵muni atu ki a Tavita kae fai ki ei, ‘Kiloke! A te tupu e fiafia ki a koe, mo ana tavini katoa e a‵lofa ki a koe. Tela la, ke na fai nei se feagaiga mo te tupu e auala i se fakaipoipoga.’” 23 I te taimi ne fai atu ei ne tavini a Saulo a mea konei ki a Tavita, ne fai atu a Tavita: “E mata, se mea faigofie ki a koutou ke fai se feagaiga mo te tupu e auala i se fakaipoipoga māfai au se tagata mativa kae seai se aoga?”+ 24 Tenā ne fai atu ei ne tavini a Saulo ki a ia: “Konei a pati ne fai mai ne Tavita.”

25 Kae ne fai atu a Saulo: “Konei a pati e ‵tau o fai ne koutou ki a Tavita, ‘A te tupu e se manako ki tupe+ ke ‵togi ki ei te fafine ka avaga kae e manako fua ki muāpa‵kili+ e 100 o tāgata Filisitia, ke taui atu ki fili o te tupu.’” A Saulo e taumafai o fai sena togafiti ke mate a Tavita i lima o tino Filisitia. 26 Ne fakailoa atu ne ana tavini a pati konei ki a Tavita kae ne fiafia a Tavita ke fai se feagaiga mo te tupu e auala i se fakaipoipoga.+ Kae koi tuai o oko ki te taimi tonu, 27 ne olo a Tavita mo ana tāgata kae ‵ta ne latou a tāgata Filisitia e toko 200, kae ne aumai ne Tavita a muāpa‵kili katoa o latou ki te tupu, ko te mea ke fai se feagaiga a lāua mo te tupu e auala i se fakaipoipoga. Tenā ne tuku atu ei ne Saulo tena tama fafine ko Mekala mo fai tena avaga.+ 28 Ne iloa ne Saulo me i a Ieova e fakatasi eiloa ki a Tavita+ kae ko tena tama fafine ko Mekala ne alofa ki tou tagata.+ 29 Ne fai ne te mea tenei ko Saulo ke mataku malosi i a Tavita, kae ne fai a Saulo mo fai te fili o Tavita i tena olaga kātoa.+

30 Ne olo a pelenise o Filisitia o taua, kae i taimi katoa ne olo ei latou, ne sili atu faeloa te manuia o Tavita i lō tavini katoa a Saulo;+ kae ne takutakua malosi tena igoa.+