Salamo
Ki te takitaki o te kau fai pese. Ko te pese a Tavita.
19 E folafola atu eiloa ne te lagi a te ‵malu o te Atua;+
2 I aso takitasi a olotou pati e puna‵puna aka e pelā me ne vai,
Kae i po takitasi e fakaasi mai ne latou te poto.
3 E seai ne pati, kae seai foki ne muna;
E se lagona atu olotou leo.
4 Kae ne oko atu olotou leo ki te lalolagi kātoa,
Kae ne oko atu foki te lotou fekau ki koga katoa o te lalolagi nofoaki.+
Ko oti ne fakatu ne ia i te lagi a te faleie o te la;
5 E ‵pau mo se tagata ka fakaipoipo māfai ko vau mai loto i tena potu;
E fiafia eiloa e pelā me se tagata mafi māfai ko tele i tena auala.
6 E sae mai i te mata e tasi o te lagi,
Kae tele fakapukupuku atu ki te suā mata;+
Kae seai se mea e mafai o ‵muni mai i tena ‵vela.
7 A te tulafono a Ieova e ‵lei katoatoa,+ e fakafou ne ia te malosi.+
A te fakamasauaga a Ieova e fakatalitonugina,+ e fai ne ia te tino telā e se lasi tena mea e iloa ke poto.+
8 A fakatonuga mai i a Ieova e amio‵tonu, e fai ne ia te loto ke fiafia;+
A te fakatonuga a Ieova e ‵ma, e fai ne ia a mata ke maina.+
9 E ‵ma pakipaki a te mataku ki a Ieova,+ kae tumau ki te se-gata-mai.
A fakamasinoga a Ieova e ‵tonu, e amio‵tonu katoa.+
10 E sili atu te lotou manakogina i lō aulo,
I lō aulo tafasili i te ‵lei,+
Kae magalo atu i te hani,+ ko te hani telā e motimoti ifo i te koga e maua ei a hani.
11 E auala i mea konā ne avatu i ei se fakailoaga ki au tavini;+
Mai te tausi ki ei, ka maua ne latou se taui lasi.+
12 Ko oi e mafai o iloa ne ia a mea ‵se?+
Ke taku la au e pelā me se tino e seai sena ‵se mai i agasala kolā e se iloa ne au.
13 Kae taofi aka tau tavini mai faifaiga fakamatamata;+
Ke mo a ma talia ne koe ke pule mai a mea konā ki a au.+
Tenā ko katoatoa ei au,+
Kae ‵ma foki i agasala matagā.