Salamo
104 Ke ‵viki atu au ki a Ieova.+
Ieova toku Atua, ko oko eiloa koe i te maluga.+
A koe e pei ki te tulaga ‵malu mo te gali.+
2 A koe e pulupulu ki te mainaga+ e pelā me se gatu;
E ‵fola ne koe te lagi e pelā me se laugatu o te faleie.+
3 E fakata‵kato ne ia a ‵saga o ana potu tafa ki luga i vai mai luga,+
Kae fai a kaumana e pelā me ko tena kaliota,+
Kae gasue i kapakau o te matagi.+
5 Ko oti ne faka‵mautakitaki ne ia te lalolagi ki ana fakavae;+
Ka se fakagasue eiloa mai tena koga ke oko ki te se-gata-mai, se-gata-mai eiloa.+
6 Ne ufi ne koe ki vai ‵poko e pelā eiloa me se gatu.+
A vai ne ‵tu mai i luga o mauga.
7 Ona ko au polopolokiga ne ‵tele ei latou kea‵tea;+
Ona ko te pakū o tau fa‵tili ne ‵tele ei latou kea‵tea mo te pole‵pole
8 —Ne olo aka a mauga o ma‵luga+ kae olo ifo a vanu—
Ki te koga ne fakatoka ne koe mō latou.
9 Ne fai ne koe se tuakoi mō latou ke se olo atu ki te suā feitu,+
Ko te mea ke se toe ufi ne latou a te lalolagi.
10 E uga ne ia a vaipuna ki vanu;
E ‵tafe atu latou i va o mauga.
11 E tuku atu ne latou a vai ki manu fe‵kai katoa o te vao;
E faka‵noga ki ei te fiainu o asini vao.
12 A manu eva o te lagi e fai ofaga mai luga i ei;
E usu pese latou mai luga i kaula o lakau lauolaola.
13 E fakasiusiu ne ia a mauga mai i ana potu i luga.+
Mai fuataga o au galuega ko lotomalie ei te laukele.+
14 E fai ne ia a mouku ke ola ma pulumakau
Mo lakau kaina ke fakaaoga ne tino,+
Ke ‵toki a meakai i te laukele
15 Mo uaina kolā e fai ei te loto o te tagata ke fiafia,+
Ko sinu kolā e fai ei ke maina a mata,
Mo meakai kolā e fakamalosi ei te loto o te tagata.+
16 A lakau a Ieova e lotoma‵lie,
Ko alasi o Lepanona kolā ne ‵toki ne ia,
17 Ko te koga e fai ei a ofaga o manu eva.
A te fale o te manu eva ko te sikala+ e tu i luga i lakau ko te iunipa.
19 Ne faite ne ia te masina ke fakamailoga ki ei a taimi tonu;
E iloa ‵lei ne te la a te taimi e tō ei a ia.+
20 E aumai ne koe te pouliga, kae pouli ifo te po,+
Ko te taimi ko olo valevale ei a manu fe‵kai katoa o te vao.
22 Kafai ko sae aka te la,
E olo kea‵tea latou o ta‵kato i olotou ana.
23 A te tagata e fano ki tena galuega,
Kae galue ‵mafa ke oko eiloa ki te afiafi.
24 Ko oko eiloa i te uke o au galuega, e Ieova!+
Ne faite ne koe a mea katoa konā i te poto.+
A te lalolagi ko ‵fonu i au mea ne faite.
25 E isi se tai, e lasi ‵ki kae lauefa,
Kae ‵fonu eiloa i mea ola e se mafai o lau, ne mea ‵lasi mo mea fo‵liki.+
27 E faka‵tali a latou katoa ki a koe
Ke tuku atu olotou meakai i te taimi tonu.+
28 A mea e tuku atu ne koe, e puke ne latou.+
Kafai e ‵tala mai tou lima, e lotoma‵lie latou ki mea ‵lei.+
29 Kafai e ‵funa ne koe ou mata, e manava‵se latou.
Kafai e ave kea‵tea ne koe olotou mānava,* e ‵mate latou kae toe ‵foki atu ki te ‵pefu.+
30 Kafai e uga mai ne koe tou agaga tapu, ko faite ei latou,+
Kae toe fakafou ne koe te laukele.
31 A te ‵malu o Ieova ka tumau ki te se-gata-mai.
Ka fiafia a Ieova i ana galuega.+
32 E kilo atu a ia ki te lalolagi, ko te mea eiloa ko polepole;
E patele atu a ia ki mauga, ko te mea eiloa ko au.+
33 Ka usu pese atu au ki a Ieova+ i toku olaga kātoa;
Ka usu pese atu au ki toku Atua i te taimi e ola ei au.+
34 Ke fakafiafia eiloa ki a ia oku mafaufauga.
Ka fiafia eiloa au ona ko Ieova.
35 A tino agasala ka ‵galo mai te lalolagi,
Kae ko tino amio ma‵sei ka seai.+
Ke ‵viki atu au ki a Ieova. ‵Viki atu ki a Ioa!*