Te Lua Nofoaiga Tupu
8 I te fakaotiga o tausaga e 20 kolā ne faite ei ne Solomona a te fale o Ieova mo tena fale*+ totino, 2 ne toe faite ne Solomona a fakai kolā ne tuku atu ne Hilamo+ ki a Solomona kae faka‵nofo a tino Isalaelu* i ei. 3 E se gata i ei, ne fano a Solomona ki Hamata-sopa kae fakatakavale ne ia. 4 Tenā ne faite* ei ne ia a Tamola i te koga lavaki mo fakai katoa e ‵teu ei a mea+ kolā ne faite ne ia i Hamata.+ 5 Ne faite foki ne ia a Peta-holono i Luga+ mo Peta-holono i Lalo,+ ne fakai e ‵pui faka‵lei fakatasi mo ‵pui, mataloa mo lakau faka‵lava, 6 mo Palata+ e pelā foki mo fakai katoa o Solomona e ‵teu i ei a mea, fakai katoa e ‵tu i ei a kaliota,+ fakai o tāgata faka‵tele solofanua mo so se mea e manako a Solomona ke faite i Ielusalema, i Lepanona, penā foki loa mo fenua katoa e pule a ia ki ei.
7 Kae pelā mo tino katoa kolā ne ‵toe mai i tino Heti, tino Amoli, tino Pelise, tino Hivi, mo tino Iepuse+ kolā e se aofia i tino Isalaelu,+ 8 ko tino ne ‵tupu mai i a latou kolā ne ‵toe i te fenua—ko latou kolā ne seki tamate ne tino Isalaelu+—ne fakatonu ne Solomona ke ga‵lue fakagamua ke oko mai ki te aso nei.+ 9 Kae ne seki fai ne Solomona a tino Isalaelu e pelā me ne pologa o fai ana galuega,+ me i a latou ko ana toa ‵mafi, ofisa o kautau, mo takitaki o tino faka‵tele kaliota mo tāgata faka‵tele solofanua.+ 10 E toko 250 a takitaki o pule lagolago a te Tupu ko Solomona, ko tino kolā e fakatonutonu ne latou a tino.+
11 Ne puke mai foki ne Solomona a te tama fafine+ a te Falao mai te Fakai o Tavita ki te fale ne faite ne ia mō tou fafine,+ ana muna: “E ui eiloa a ia ko taku avaga, e se ‵tau o nofo a ia i te fale o te Tupu ko Tavita o Isalaelu, me i koga kolā ne tuku i ei a te Pusa a Ieova e tapu.”+
12 Tenā ne ofo atu ei ne Solomona a taulaga ‵sunu+ ki a Ieova i luga i te fatafaitaulaga+ a Ieova telā ne faite ne ia mai mua o te fakaosoga.+ 13 Ne tautali a ia i faifaiga masani e fai i aso takitasi kae ofo atu a taulaga e ‵tusa mo te fakatonuga a Mose e uiga ki Sapati,+ masina sae,+ mo ‵kaiga fia‵fia e tolu kolā ne filifili aka ke fai i te tausaga+—te ‵Kaiga Fiafia o Falaoa sē Faka‵fete,+ te ‵Kaiga Fiafia o Vaiaso+ mo te ‵Kaiga Fiafia o Fale Fakamalumalu.*+ 14 E se gata i ei, ne ‵tofi aka ne ia a potukau o faitaulaga+ mō te lotou taviniga e ‵tusa eiloa mo tulafono a Tavita tena tamana, kae ko tino Levi ki olotou tiute, ke avatu a vikiga+ kae tavini atu i mua o faitaulaga e ‵tusa mo faifaiga masani e fai i aso takitasi, mo tino tausi mataloa i olotou potukau i mataloa kese‵kese,+ me tenā eiloa te fakatonuga a Tavita te tagata o te Atua tonu. 15 Kae ne seki fulitua atu latou ki te fakatonuga a te tupu ki faitaulaga mo tino Levi e uiga ki so se mea io me ko fale ‵teu koloa. 16 Ne fakatoka faka‵lei eiloa a galuega katoa a Solomona, mai te aso ne fakatakato+ ei te fakavae o te fale o Ieova ke oko eiloa ki te taimi ne oti ei. Tenā ne palele ei a te faitega o te fale o Ieova.+
17 Tenā te taimi ne fano ei a Solomona ki Esionikepa+ mo Elata+ i te tafatai o te fenua o Etoma.+ 18 Ne avatu ne Hilamo+ ki a ia a vakamutu mo kauvaka apo e auala i ana tavini. Ne olo fakatasi latou mo tavini a Solomona ki Ofeila+ kae puke mai ne latou i konā e 450 taleni* aulo+ kae aumai ki te Tupu ko Solomona.+