Numela

2 Ne faipati atu a Ieova ki a Mose mo Alona, ana muna: 2 “E ‵tau mo tino Isalaelu o ‵nofo i koga kolā ko oti ne ‵tofi ke ‵nofo i ei olotou matakāiga e tolu,+ ko tāgata taki tokotasi i tafa o te fakailoga telā e iloa ei tena kāiga i tena tamana. E ‵tau mo latou o ‵fuli atu ki loto i te faleie o maopoopoga, kae fakatamilo i ei.

3 “A latou kolā e ‵nofo i te feitu ki saegala ko matakāiga e tolu o Iuta e ‵tusa mo olotou potukau; a te takitaki o tino Iuta ko Nasona+ te tama tagata a Aminatapu. 4 A latou kolā ne fakamau olotou igoa i tena kautau e ‵tusa mo te toko 74,600.+ 5 E ‵nofo atu i ana tafa ko te matakāiga o Isakala; a te takitaki o tino Isakala ko Netanelu+ te tama tagata a Siualo. 6 A latou kolā ne fakamau olotou igoa i tena kautau e ‵tusa mo te toko 54,400.+ 7 E tafa atu ki ei ko te matakāiga o Sepulona; a te takitaki o tino Sepulona ko Eliapo+ te tama tagata a Helona. 8 A latou kolā ne fakamau olotou igoa i tena kautau e ‵tusa mo te toko 57,400.+

9 “A latou katoa kolā ne fakamau olotou igoa i te kautau a Iuta e ‵tusa mo te toko 186,400. Ko te lotou potukau e ‵tau o olo muamua.+

10 “A matakāiga e tolu i te koga telā e nofo ei a Leupena+ e ‵tusa mo olotou potukau,* ka ‵nofo i te feitu ki saute; a te takitaki o tino Leupena ko Elisula+ te tama tagata a Setulo. 11 A latou kolā ne fakamau olotou igoa i tena kautau e ‵tusa mo te toko 46,500.+ 12 E ‵nofo atu i ana tafa a te matakāiga o Simeona; a te takitaki o tino Simeona ko Selumielu+ te tama tagata a Sulisatai. 13 A latou kolā ne fakamau olotou igoa i tena kautau e ‵tusa mo te toko 59,300.+ 14 E tafa atu ki ei ko te matakāiga o Kato; a te takitaki o tino Kato ko Eliasafo+ te tama tagata a Leuelu. 15 A latou kolā ne fakamau olotou igoa i tena kautau e ‵tusa mo te toko 45,650.+

16 “A latou katoa kolā ne fakamau olotou igoa i te kautau a Leupena e ‵tusa mo te toko 151,450, kae ko te lotou potukau e ‵tau o olo i te lua.+

17 “I te taimi ko fakagasue+ ei te faleie o maopoopoga, e ‵tau eiloa mo tino Levi o olo i te kogaloto o nisi matakāiga.

“E ‵tau o ma‵laga atu latou i te auala telā ne ‵nofo ei latou,+ e ‵tusa mo olotou matakāiga e taki tolu.

18 “A matakāiga e tolu i te koga telā e nofo ei a Efalaima e ‵tusa mo olotou potukau,* ka ‵nofo i te feitu ki togala; a te takitaki o tino Efalaima ko Elisama+ te tama tagata a Amiuta. 19 A latou katoa kolā ne fakamau olotou igoa i tena kautau e ‵tusa mo te toko 40,500.+ 20 E tafa atu ki ei ko te matakāiga o Manase;+ a te takitaki o tino Manase ko Kamalielu+ te tama tagata a Petasula. 21 A latou kolā ne fakamau olotou igoa i tena kautau e ‵tusa mo te toko 32,200.+ 22 E tafa atu ki ei ko te matakāiga o Peniamina; a te takitaki o tino Peniamina ko Apitano+ te tama tagata a Kiteone. 23 A latou kolā ne fakamau olotou igoa i tena kautau e ‵tusa mo te toko 35,400.+

24 “A latou kolā ne fakamau olotou igoa i te kautau a Efalaima e ‵tusa mo te toko 108,100, kae ko te lotou potukau e ‵tau o olo i te tolu.+

25 “A matakāiga e tolu i te koga telā e nofo ei a Tanu e ‵tusa mo olotou potukau,* ka ‵nofo i te feitu ki mātū; a te takitaki o tino Tanu ko Aiesa+ te tama tagata a Amisatai. 26 A latou kolā ne fakamau olotou igoa i tena kautau e ‵tusa mo te toko 62,700.+ 27 E ‵nofo atu i ana tafa ko te matakāiga o Asela; a te takitaki o tino Asela ko Pagielu+ te tama tagata a Okilani. 28 A latou kolā ne fakamau olotou igoa i tena kautau e ‵tusa mo te toko 41,500.+ 29 E tafa atu ki ei ko te matakāiga o Nafatali; a te takitaki o tino Nafatali ko Aila+ te tama tagata a Enanu. 30 A latou kolā ne fakamau olotou igoa i tena kautau e ‵tusa mo te toko 53,400.+

31 “A latou kolā ne fakamau olotou igoa i te kautau a Tanu e ‵tusa mo te toko 157,600. A te lotou potukau e ‵tau o olo fakamuli+ e ‵tusa mo olotou matakāiga e tolu.”

32 Konei a tino Isalaelu kolā ne fakamau olotou igoa i kāiga o olotou tamana; a te aofaki o latou katoa kolā ne fakamau olotou igoa mō te kautau e ‵tusa mo te toko 603,550.+ 33 Kae ko tino Levi ne seki fakamau+ olotou igoa fakatasi mo nisi tino Isalaelu,+ e pelā eiloa mo te fakatonuga a Ieova ki a Mose. 34 Ne fai eiloa ne tino Isalaelu a mea katoa kolā ne fakatonu atu ne Ieova ki a Mose. Tenei te auala e ‵nofo ei latou i olotou matakāiga e taki tolu+ mo te auala e olo ei latou, i olotou kāiga takitasi,+ e ‵tusa mo olotou kāiga i olotou tamana.