Nauma
1 Se fekau e ‵teke atu ei ki Nineva:+ Ko te tusi o te fakaasiga a Nauma* te tino Elekosi:
2 A Ieova se Atua telā e manako ke tapuaki atu fua ki a ia tokotasi+ kae taui ma sui foki;
A Ieova e taui ma sui kae toka o fakaasi tena kaitaua.+
A Ieova e taui ma sui atu ki ana fili,
Kae fakaputu aka ne ia tena kaitaua mō ana fili.
A tena auala se matagi fakamasei mea mo se afā,
Kae ko kaumana ko ‵pefu o ana vae.+
4 E ‵liko ne ia te tai,+ kae fai ne ia ke ‵masa pakupaku;
Kae fai ne ia a vaitafe katoa ke ‵masa pakupaku.+
A Pasana mo Kalamelu ka mage‵mage,+
Kae ko pulalakau o Lepanona ka mage‵mage.
5 A mauga e ga‵lulu ona ko ia,
Kae ko tamā mauga ko liuvai.+
A te lalolagi ka galulu ona ko ana foliga,
Fakatasi mo te laukele mo mea katoa e ‵nofo i ei.+
6 Ko oi e mafai o tu i mua o tena kaitaua?+
Ko oi e mafai o fa‵ki ne ia te ‵vela o tena ita?+
Ka ‵ligi ifo a tena kaitaua e pelā me se afi,
Kae ko kaupapa ka malipi‵lipi ona ko ia.
7 A Ieova e ‵lei,+ se ‵pui malosi i te aso o te puapuaga.+
E masaua* ne ia a latou kolā e ‵lafi atu ki a ia.+
8 E auala i se lofiaga malosi ka fakaseai katoatoa ne ia tena* koga nofo,
Kae ka afuli ana fili ne te pouliga.
9 Se a tau aofaga ka fai o ‵teke atu ki a Ieova?
Ko fai ne ia se fakaseaiga katoatoa.
Ka se toe ai se puapuaga e sae aka i te lua o taimi.+
10 Me i a latou ko ‵fili fakatasi e pelā me ne lakau tala‵tala
Kae ko latou ko pelā mo tino e ko‵nā i pia;*
Kae ka ‵sunu latou e pelā me ne kausaito ma‵lō.
11 Me ka vau mai i a koe se tino telā e fai tena aofaga o ‵teke atu ki a Ieova,
E tuku mai ne ia a pati fakatonutonu sē aoga.
12 Konei a pati a Ieova ne fai mai:
“E tiga eiloa e katoatoa te lotou malosi kae tokouke foki latou,
Ka ‵kati latou ki lalo kae fakaseai atu.
Ko oti ne fakapuapuaga ne au a koe,* kae ka se toe fakapuapuaga ne au a koe.
13 Kae nei la, ka ‵fati ne au tena amo mai i a koe,+
Kae ka ‵motu ne au ou saisaiga ki vaega e lua.
14 Ne fai te fakatonuga a Ieova e uiga ki a koe,*
‘A tou igoa ka se fakatumau.
Ka fakaseai atu ne au a tupua faite mo tupua fiti mai i te fale* o ou atua.
Ka fai ne au se tanuga mō koe, me i a koe ko oko eiloa i te fakatakalialia.’
15 Kiloke! Ko ‵tu i luga i mauga a vae o te tino telā e aumai ne ia te tala ‵lei,
Ko ia telā e folafola atu ne ia te filemu.+
Fakamanatu au ‵kaiga fia‵fia,+ e Iuta, ‵togi atu au tautoga,
Me i te tino sē aoga ka se toe ui atu i loto i a koe.
Ka fakaseai katoatoa atu a ia.”