Ielemia

11 Tenei te fekau ne oko mai ki a Ielemia mai i a Ieova, ana muna: 2 “Faka‵logo mai ki muna o te feagaiga tenei, koutou e tino!

“Faipati* atu a mea konā ki tāgata o Iuta mo tino e ‵nofo i Ielusalema 3 kae fai atu ki a latou, ‘Konei a pati a Ieova te Atua o Isalaelu ne fai mai: “Ke malaia te tagata e se fakalogo ki muna o te feagaiga tenei,+ 4 kolā ne fakatonu atu ne au ki otou tupuga i te aso ne aumai ei ne au latou ki tua mo te fenua o Aikupito,+ ki tua mo te ogaumu telā e ‵sunu i ei a fiti,+ ana muna, ‘Faka‵logo mai ki toku leo, kae fai a mea katoa ne fakatonu atu ne au ki a koutou; kae ka fai koutou mo oku tino kae ka fai au mo otou Atua,+ 5 ko te mea ke fakataunu ne au te feagaiga ne tauto ei au ki otou tupuga, ke tuku atu ki a latou a te fenua telā e ‵tafe i ei a susu mo hani,+ e pelā mo te mea ko tupu i te aso nei.’”’”

Kae ne tali atu au: “Amene,* e Ieova.”

6 Tenā ne fai mai ei a Ieova ki a au: “Folafola atu a muna katoa konei i loto i fakai o Iuta mo auala o Ielusalema: ‘Faka‵logo mai ki pati o te feagaiga tenei, kae fakataunu ne koutou. 7 Me ne fakamalosi faka‵lei atu au ki otou tupuga i te aso ne aumai ei ne au latou ki tua mo te fenua o Aikupito ke oko mai eiloa ki te aso nei, e fakamalosi atu faeloa ki a latou:* “Faka‵logo mai ki toku leo.”+ 8 Kae ne seki faka‵logo mai latou io me tuku mai olotou taliga; i lō te fai penā, ne tau‵tali eiloa a tino taki tokotasi mo te loto ma‵keke i olotou loto ma‵sei.+ Tenā ne aumai ei ne au ki a latou a pati katoa o te feagaiga tenei telā ne fakatonu atu ne au ke fai ne latou, kae ne ita ma fai ne latou.’”

9 Tenā ne fai mai ei a Ieova ki a au: “E isi se aofaga faitogafiti a tāgata o Iuta mo tino kolā e ‵nofo i Ielusalema. 10 Ko toe ‵foki latou o fai a mea ‵se a olotou tupuga i aso mua, kolā ne ita ma faka‵logo ki aku muna.+ Ko tau‵tali atu latou i nisi atua kae tavini atu foki ki a latou.+ A te kāiga o Isalaelu mo te kāiga o Iuta ko oti ne ofa ne latou taku feagaiga telā ne fai mo olotou tupuga.+ 11 Tela la, konei a pati a Ieova ne fai mai, ‘Tenei ko aumai ne au a te fakalavelave+ telā ka se mafai o ‵sao latou i ei. Kafai e ka‵laga mai latou ki a au mō se fesoasoani, ka se fakalogo au ki a latou.+ 12 Tenā la, ko olo ei a fakai o Iuta mo tino kolā e ‵nofo i Ielusalema ki atua kolā e ofo atu olotou taulaga ki ei kae ka‵laga atu mō se fesoasoani,+ kae ka se faka‵sao latou ne mea konei i taimi o olotou fakalavelave. 13 Me i otou atua ko uke eiloa e pelā mo otou fakai, e Iuta, kae ko oti ne faka‵tu aka ne koutou a fatafaitaulaga e uke ki te mea fakamasiasi* e pelā mo auala o Ielusalema, ko fatafaitaulaga e ofo atu ei a taulaga ki a Paala.’+

14 “E pelā mo koe,* sa ‵talo mai mō tino konei. Ke mo a ma kalaga atu mō latou io me ‵talo mō latou,+ me ka se fakalogologo eiloa au māfai ko ka‵laga mai latou ki a au ona ko olotou fakalavelave.

Fakatasi mo taulaga manu, e mata, e mafai ne latou o taofi a te fakalavelave māfai ko oko mai ki a koutou?

E a, ka fia‵fia koutou i te taimi tenā?

17 “A Ieova o kautau, te Atua telā ne ‵toki ne ia koe,+ ne folafola mai me ka oko mai se fakalavelave ki a koutou ona ko amioga matagā ne fai i te kāiga o Isalaelu mo te kāiga o Iuta, kolā ne fai ne latou au ke kaitaua e auala i te ofoatuga o taulaga ki a Paala.”+

19 Ne fai au e pelā me se tamā mamoe lata telā ko ave o tamate.

E se iloa ne au i olotou aofaga e fai ki a au:+

21 Tela la, konei a pati a Ieova ne fai o ‵teke atu ki tāgata o Anatota+ kolā e taumafai o tamate koe kae fai aka: “E se ‵tau mo koe o ‵valo i te igoa o Ieova,+ i a koe ma mate i omotou lima.” 22 Tela la, konei a pati a Ieova o kautau ne fai: “Tenei ka fakasala ne au latou. A tamataene ka ‵mate i te pelu,+ kae ko olotou tama tāgata mo tama fāfine ka ‵mate i te oge.+ 23 Ka seai eiloa se vaega o latou e ‵toe mai, me ka aumai ne au te fakalavelave ki tāgata o Anatota+ i te tausaga e fakasala ei latou.”