Neemia

3 Ne ‵tu aka a Eliasipa+ te faitaulaga sili mo ana taina faitaulaga o faite a te Mataloa o Mamoe.+ Ne fakatapu* ne latou+ kae faite ana mataloa; ne fakatapu ne latou ke oko atu ki te Taoa o Meaa,+ ke oko atu eiloa ki te Taoa o Hananelu.+ 2 Kae tafa atu ki a latou ko tāgata Ieliko+ e faite te ‵pui; kae tafa atu ki a latou ko Sakula te tama tagata a Imeli e faite te ‵pui.

3 A tama tāgata a Hasena ne faite ne latou te Mataloa o Ika;+ ne faite ne latou ki laupapa+ kae faka‵piki ana mataloa, ana ‵loka mo ana lakau faka‵lava. 4 Kae tafa atu ki a latou ko Melemota+ te tama tagata a Ulita te tama tagata a Hakosi ne galue ki te faka‵leiga o te ‵pui, kae tafa atu ki ei ko Mesulama+ te tama tagata a Pelekia te tama tagata a Mesesapelu ne galue ki te faka‵leiga o te ‵pui, kae tafa atu ki ei ko Satoka te tama tagata a Pana ne galue ki te faka‵leiga o te ‵pui. 5 Kae tafa atu ki ei ko tino Tekoa+ ne ga‵lue ki te faka‵leiga o te ‵pui, kae ko olotou tāgata takutakua ne seki fakama‵lalo latou o ‵kau fakatasi i te faiga o te galuega a olotou matai.

6 A Ioiata te tama tagata a Pasea mo Mesulama te tama tagata a Pesoteia ne toe faka‵lei aka ne lāua te Mataloa o te Fakai Mua;+ ne faite ne lāua ki laupapa kae faka‵piki ana mataloa, ana ‵loka mo ana lakau faka‵lava. 7 E tafa atu ki a lāua ko Melatia te tino Kipeona+ mo Iatona te tino Melonota ne ga‵lue ki te faka‵leiga o te ‵pui, ne tāgata Kipeona mo Mesepa+ kolā e ‵nofo mai lalo i te pulega a te kovana o te kogā koga i te Suā Feitu o te Vaitafe.*+ 8 E tafa atu ki a lāua ko Usieli te tama tagata a Halaia se tino faite mea ki aulo, ne galue ki te faka‵leiga o te ‵pui, kae tafa atu ki ei ko Hanania, se tino palu sinu,* ne galue ki te faka‵leiga o te ‵pui; kae ne fai ne latou se ‵pae fatu mō Ielusalema ke oko eiloa ki te ‵Pui Lauefa.+ 9 Kae e tafa atu ki ei ko Lefaia te tama tagata a Hulo, se pelenise o te āfa o te kogā fenua o Ielusalema, ne galue ki te faka‵leiga o te ‵pui. 10 Kae tafa atu ki ei ko Ietaia te tama tagata a Halumafa ne galue ki te faka‵leiga o te ‵pui i te feitu ki mua o tena fale, kae tafa atu ki ei ko Hatusa te tama tagata a Hasapeneia ne galue ki te faka‵leiga o te ‵pui.

11 Ne toe faka‵lei aka foki ne Malakita te tama tagata a Halima+ mo Hasupo te tama tagata a Pahata-moapi+ a te suā vaega* o te ‵pui, e pelā foki mo te Taoa o Ogaumu.+ 12 Kae tafa atu ki a lāua ko Saluma te tama tagata a Haloesa, se pelenise o te āfa o te kogā fenua o Ielusalema, ne galue ki te faka‵leiga o te ‵pui, fakatasi mo ana tama fāfine.

13 A Hanuna mo tino e ‵nofo i Sanoa+ ne toe faite faka‵lei ne latou a te Mataloa ki te Vanu;+ ne faite ne latou kae faka‵piki ana mataloa, ana ‵loka mo ana lakau faka‵lava, kae ne toe faka‵lei ne latou e 1,000 kupita* o te ‵pui ke oko atu eiloa ki te Mataloa o Kaiga.+ 14 A Malakita te tama tagata a Lekapa, se pelenise o te kogā fenua o Pete-hakelema,+ ne faite faka‵lei ne ia te Mataloa o Kaiga; ne faite ne ia kae faka‵piki ana mataloa, ana ‵loka mo ana lakau faka‵lava.

15 A Saluna te tama tagata a Kolokose, se pelenise o te kogā fenua o Mesepa,+ ne faite faka‵lei ne ia te Mataloa o Vaipuna;+ ne faite ne ia fakatasi mo tena tuafale, faka‵piki ana mataloa, ana ‵loka, mo ana lakau faka‵lava, kae toe faite faka‵lei ne ia te ‵pui o te Vai+ e ‵Tafe ki te Fatoaga a te Tupu+ ke oko atu eiloa ki te Kakega+ telā e fanaifo mai te Fakai o Tavita.+

16 Mai tua o ia ko Neemia te tama tagata a Asipuka, se pelenise o te āfa o te kogā fenua o Petesula,+ ne galue ki te faka‵leiga o te ‵pui i te feitu ki mua o te Tanuga o Tavita+ ke oko atu eiloa ki te vai koukou+ telā ne faite kae ke oko atu foki ki te Fale o Tino ‵Mafi.

17 Mai tua o ia ko tino Levi, ne ga‵lue ki te faka‵leiga o te ‵pui: ko Lehuma te tama tagata a Pani; kae tafa atu ki a ia ko Hasapaia, se pelenise o te āfa o te kogā fenua o Keila,+ ne galue ki te faka‵leiga o te ‵pui mō tena kogā fenua. 18 Mai tua o ia ko olotou taina kolā ne ga‵lue ki te faka‵leiga o te ‵pui: ko Pavai te tama tagata a Henatata, se pelenise o te āfa o te kogā fenua o Keila.

19 E tafa atu ki a ia ko Eseli te tama tagata a Iesua,+ se pelenise o Mesepa, ne faite faka‵lei ne ia te suā vaega i te feitu ki mua o te fanakaga ki te Fale Tuku Meatau i te Maofega o te ‵Pui.+

20 Mai tua i ei ko Paluka te tama tagata a Sapai+ ne galue mo te loto talitonu kae faka‵lei aka ne ia te suā vaega, mai te Maofega o te ‵Pui ke oko eiloa ki te auala ki loto i te fale o Eliasipa+ te faitaulaga sili.

21 Mai tua o ia ko Melemota+ te tama tagata a Ulita te tama tagata a Hakosi ne faite faka‵lei aka ne ia te suā vaega, mai te auala ki loto i te fale o Eliasipa ke oko ki te fakaotiga o te fale o Eliasipa.

22 Mai tua o ia ko faitaulaga, ko tāgata o te kogā fenua o te Iolitana,*+ ne ga‵lue ki te faka‵leiga o te ‵pui. 23 E tafa atu ki a latou ko Peniamina mo Hasupo ne ga‵lue ki te faka‵leiga o te ‵pui i te feitu ki mua o te lotou fale. E tafa atu ki a latou ko Asalia te tama tagata a Maseia te tama tagata a Ananaia ne galue ki te faka‵leiga o te ‵pui i tafa o tena fale. 24 Mai tua o ia ko Pinui te tama tagata a Henatata ne faite faka‵lei aka ne ia te suā vaega, mai te fale o Asalia ke oko atu ki te Maofega o te ‵Pui+ ke oko eiloa ki te ‵kōna.

25 Mai tua o ia ko Palale te tama tagata a Usai ne galue ki te faka‵leiga o te ‵pui mo te taoa telā e vau mai te Fale o te Tupu,*+ ko te vaega tafa ki luga telā e tu i te Koga Ateatea o te Leoleo.+ Mai tua o ia ko Petaia te tama tagata a Palosi.+

26 Kae ko tavini o te faletapu*+ kolā e ‵nofo i Ofele+ ne ga‵lue ki te faka‵leiga o te ‵pui ke oko eiloa ki te feitu ki mua o te Mataloa o Vai+ i te feitu ki saegala mo te taoa telā e tu i ei.

27 Mai tua o latou ne faite ne tino Tekoa+ te suā vaega, mai i te feitu ki mua o te taoa lasi ke oko atu ki te ‵pui o Ofele.

28 Ne ga‵lue a faitaulaga ki te faka‵leiga o te ‵pui i te feitu ki luga o te Mataloa o Solofanua,+ ko tino taki tokotasi i te feitu ki mua o tena fale.

29 Mai tua o latou ko Satoka+ te tama tagata a Imela, ne galue ki te faka‵leiga o te ‵pui i te feitu ki mua o tena fale.

Kae mai tua o ia ko Semaia te tama tagata a Sekania, te tino tausi o te Mataloa i te feitu ki Saegala,+ ne galue ki te faka‵leiga o te ‵pui.

30 Mai tua o ia ko Hanania te tama tagata a Selemia mo Hanuna te tama tagata i te tokoono a Salafo ne toe faite faka‵lei ne ia te suā vaega.

Mai tua o ia ko Mesulama+ te tama tagata a Pelekia ne galue ki te faka‵leiga o te ‵pui i te feitu ki mua o te potu lasi o ia.

31 Mai tua o ia ko Malakita, se tokotasi o tino e aofia i te potukau e faite mea ki aulo, ne galue ki te faka‵leiga o te ‵pui ke oko eiloa ki te fale o tavini o te faletapu+ mo tino fakatau koloa, i te feitu ki mua o te Mataloa o Iloiloga ke oko atu eiloa ki te potu tafa ki luga i te ‵kōna.

32 Kae i te va o te potu tafa ki luga i te ‵kōna mo te Mataloa o Mamoe+ ne ga‵lue i ei a tino faite mea ki aulo mo tino fakatau koloa ki te faka‵leiga o te ‵pui.