Mika
1 Ko te fekau a Ieova telā ne oko mai ki a Mika*+ o Moleseta, i aso o Iotama,+ Aasa,+ mo Hesekia,+ ko tupu o Iuta,+ mo te fakaasiga ne oko atu ki a ia e uiga ki Samalia mo Ielusalema:
2 “Faka‵logo mai, koutou e tino katoa!
‵Saga tonu mai, e te lalolagi mo mea katoa kolā e faka‵fonu ki ei,
Kae ke fai a te Aliki Sili ko Ieova e pelā me se molimau o ‵teke koutou+
—Ko Ieova mai i tena faletapu ‵malu.
3 Kiloke! A Ieova ko fano ki tua mo tena koga nofo;
Ka fanaifo a ia ki lalo kae ka lakalaka ne ia a koga ma‵luga o te lalolagi.
4 A mauga ka liuvai mai lalo o ia,+
Kae ko vanu ka ma‵vae
E pelā mo gako i mua o se afi,
E pelā mo vai e ‵ligi ifo i se ‵sifoga ‵poko.
5 A mea katoa konei e pogai mai i te ‵tekeatuga a Iakopo,
Ona ko agasala a te kāiga o Isalaelu.+
Se a te ‵tekeatuga a Iakopo?
E a, e se ko Samalia?+
Kae ne a koga ma‵luga o Iuta?+
E a, e se ko Ielusalema?
6 Ka fai ne au a Samalia e pelā me se fakaputuga o mea ne ofa ki lalo i se laukele,
Se koga mo ‵toki a togavine;
Ka ‵pei ifo* ne au ana fatu ki lalo i te vanu,
Kae ka tuku faka‵sau atu ne au ana fakavae.
7 Ana tupua faite katoa ka tuki palapala,+
Mo meaalofa katoa kolā ne maua i te fakatauatuga o ia ki tua* ka ‵sunu ki te afi.+
Ka ofa ne au ana tupua katoa.
Me ne maua ne ia a mea konā mai i te ‵togi o ana faifaiga talitāgata,
Kae ka toe fai foki mo fai a te ‵togi o fāfine talitāgata.”
8 Ona ko te mea tenei ka tagi fanoanoa au kae tagi pakalaga;+
Ka sasale fuafua au kae seai ne oku taka.+
A toku tagi fanoanoa ka fai pelā mo te ‵tagi o manu ko tiakolo,
Kae ko toku fanoanoa ka pelā mo te fanoanoa o manu ko osetelite.
A te mala ko salalau atu ki mataloa o ‵pui o oku tino, ki Ielusalema.+
10 “Sa fakasalalau atu te mea tenā i Kata;
E se ‵tau eiloa mo koutou o ‵tagi mautuutu.
Ke takafilifili i te ‵pefu i Peta-leafala.*
11 Olo fuafua mo te masiasi ki te suā feitu, e tino kolā e ‵nofo* i Safila.
A tino kolā e ‵nofo* i Sanani e seki o‵mai ki tua.
Ka isi se ‵tagi paka‵laga i Peteseli, kae ka ave kea‵tea ne latou ana koga faka‵lafi mai i a koutou.
12 Me i tino kolā e ‵nofo* i Malota ne fakatalitali ki se mea ‵lei,
Kae ne oko ifo se mea masei mai i a Ieova ki te mataloa o te ‵pui o Ielusalema.
13 ‵Sai a uka o te kaliota ki solofanua, e tino kolā e ‵nofo* i Lakisa.+
A koutou ko te kamataga o te agasala a te tama fafine o Siona,
Me ne maua atu i loto i a koe a ‵tekeatuga a Isalaelu.+
14 Tela la, ka tuku atu ne koe a meaalofa fakamavae ki Moleseta-kata.
A fale o Akasipa+ ne mea fakaloiloi ki tupu o Isalaelu.
15 Ka aumai ne au ki loto i a koe,+ e tino kolā e ‵nofo* i Malesa,+ a te tino e ‵fao ne ia a mea a tino.
Ka oko atu eiloa a te ‵malu o Isalaelu ki Atulama.+
16 Fai ke ‵tula otou ulu kae ‵vele otou laulu ona ko otou tama‵liki fakapelepele.
Fai ke ‵tula koutou e pelā me se aeto,
Me ko oti ne ave fakapagota latou kea‵tea mai i a koe.”+