Sakalia
9 Se folafolaga:
“Ko te fekau a Ieova e ‵teke atu i ei ki te fenua ko Hatalaka,
Kae ko tena taketi ko Tamaseko*+
—Me i mata o Ieova e kilokilo atu ki tino+
Mo matakāiga katoa o Isalaelu—
2 Kae ‵teke ki Hamata,+ telā e tuakoi atu ki a ia,
Kae ‵teke atu foki ki Tulo+ mo Saitonu,+ me i a lāua ko tō ‵poto.+
3 Ne faite ne Tulo se koga maluga* mō ia.
Ne fakaputu aka ne ia a siliva e pelā me ne ‵pefu
Mo aulo e pelā mo lailaiga o auala.+
4 Kiloke! Ka ave kea‵tea ne Ieova ana kope,
Kae ka ‵ta ne ia tena kautau ki lalo i te tai;*+
Kae ka ‵sunu a ia ki te afi.+
5 Ka lavea ne Asekelona te mea tenā kae mataku;
A Kasa ka mafatia malosi,
E pelā foki mo Ekelona, me ko oti ne fakamasiasigina a tena fakamoemoega.
Ka galo atu se tupu mai i Kasa,
Kae ka seai ne tino e ‵nofo i Asekelona.+
6 E isi se tagata mai i fenua fakaa‵tea ka nofo i Asetota,
Kae ka ave kea‵tea ne au a te mea telā e fakamata‵mata ki ei a tino Filisitia.+
7 Ka tapale ne au kea‵tea a mea e pisipisia i toto mai tena gutu
Mo mea fakatakalia‵lia mai i te va o ana nifo,
Kae ka faka‵toe a ia mō te motou Atua;
Kae ka fai a ia e pelā me se ulualiki* i Iuta,+
Kae e pelā me se tino Iepuse i Ekelona.+
8 Ka nofo au i toku faleie o leoleo toku fale,+
Ko te mea ke seai se tino e ui atu i ei kae seai se tino e foki mai;
Kae ka seai se pule fakagalue tino* e toe ui atu i ei,+
Me ko oti ne lavea ne au te mea tenā* ki oku mata.
9 Ke fiafia malosi, e te tama fafine o Siona.
Kalaga mo te manumalo, e te tama fafine o Ielusalema.
Kiloke! A tou tupu ko vau ki a koe.+
10 Ka puke kea‵tea ne au a te kaliota tau mai i Efalaima
Mo te solofanua mai Ielusalema.
A te kausana o te taua ka puke kea‵tea.
Kae ka folafola atu ne ia te filemu ki atufenua;+
A tena pulega ka vau mai i te tai e tasi ke oko atu ki te suā tai
11 Kae pelā mo koe e te fafine, e auala i te toto o tau feagaiga,
Ka uga atu ne au au pagota ki tua mo te lua e seai ne vai i ei.+
12 ‵Foki ki te ‵pui malosi, koutou e pagota kolā e isi se fakamoemoega.+
I te aso nei, au e fai atu ki a koutou,
‘Ka toe ‵togi atu ne au ki a koe, e te fafine, a tou tusaga e fakalua taimi.+
13 Me ka ofe* ne au a Iuta e pelā mo taku kausana.
Ka faka‵fonu ne au a te kausana ki Efalaima,*
Kae ka ‵fagu ne au au tama tāgata, e Siona,
O ‵teke au tama tāgata, e Eleni,
Kae ka fai ne au koe e pelā mo te pelu a se toa mafi.’
14 Ka lavea atu a Ieova i luga o latou,
Kae ko ana matasana ka eva e pelā me ne uila.
A te Aliki Sili ko Ieova ka ili ne ia te pu,+
Kae ka fanatu a ia ki mua fakatasi mo matagi ma‵losi mai te feitu ki saute.
15 A Ieova o kautau ka ‵pulu ne ia latou,
Kae ka fakamasei kae fakatakavale ne latou a siligi fatu.+
Ka inu latou kae logoa, e pelā me inu ki uaina;
Kae ka faka‵fonu latou e pelā me se pōla,
E pelā mo ‵kōna o te fatafaitaulaga.+
16 A Ieova te lotou Atua ka faka‵sao ne ia latou i te aso tenā
E pelā me ko te lafu mamoe o ana tino;+
Me ka fai latou e pelā mo fatu tāua o se foualiki e malapu‵lapu i luga i tena laukele.+
17 Ko oko eiloa i te gali o tena aga‵lei,+
Kae ko oko eiloa i te sili o tena gali!
A meakai ka fai ei ke olaola ‵lei a tamataene,
Mo tamafine ‵ma i te uaina fou.”+