Ielemia

45 Tenei te fekau ne fai atu ne Ielemia te pelofeta ki a Paluka+ te tama tagata a Nelia i te taimi ne tusi ei ne ia ki se tusi a pati kolā ne laulau atu ne Ielemia+ i te fa o tausaga o te pulega a Ieoiakimo+ te tama tagata a Iosia, te tupu o Iuta:

2 “Konei a pati a Ieova te Atua o Isalaelu e uiga ki a koe, e Paluka, 3 ‘Ne fai mai koe: “Kalofa eiloa i a au, me ko oti ne fakaopoopo mai ne Ieova te fanoanoa ki toku logo‵mae! Au ko fi‵ta i toku tigaina, kae seai se koga malōlō ne maua ne au.”’

4 “E ‵tau o fai atu koe ki a ia, ‘Konei a pati a Ieova ne fai mai: “Kiloke! A te mea ne ati aka ne au ko ofa ne au ki lalo, kae ko te mea ne ‵toki ne au ko unu kea‵tea ne au​—ko te fenua kātoa.+ 5 Kae ko koe e salasala* ke maua ne koe a mea e sili i te ‵lei mō koe. Fakagata te salasala ki vaegā mea penā.”’

“‘Me ko pili o fakaoko atu ne au te puapuaga ki luga i tino katoa,’+ ko te folafolaga a Ieova, ‘kae ko so se koga e fano koe ki ei ka tuku atu ne au tou ola e pelā me se taui ne maua mai i te taua.’”*+