Te Lua Nofoaiga Tupu

2 Ne tuku atu ne Solomona a te fakatonuga ke faite se fale mō te igoa o Ieova+ mo se fale* mō tena malo.+ 2 Ne fakagalue ne Solomona a tāgata e toko 70,000 ke fai pelā me ne tino ga‵lue masani,* e toko 80,000 tāgata e pelā me ne tino ‵kati fatu i mauga,+ kae toko 3,600 e pelā me ne ovasia o latou.+ 3 E se gata i ei, ne avatu te fekau a Solomona ki a Hilamo+ te tupu o Tulo: “Ke na fai mai ki a au a te mea ne fai ne koe ki toku tamana ko Tavita i te taimi ne avatu ei ne koe ki a ia a laupapa alasi mo faite se fale* mo ana nofo.+ 4 Ko faite nei ne au se fale mō te igoa o Ieova toku Atua, ke fakatapu mō ia, ke ‵sunu i ei a mea ma‵nogi+ i ana mua, kae penā foki mo falaoa*+ mo taulaga ‵sunu, i te tafataeao mo te afiafi,+ i Sapati,+ i masina sae+ mo taimi o ‵kaiga fia‵fia+ a Ieova te ‵tou Atua. A te mea tenei se tiute o Isalaelu ki te se-gata-mai. 5 A te fale ka faite ne au e tafasili i te gali, me i te ‵tou Atua e sili atu i nisi atua katoa. 6 Kae ko oi e mafai ne ia o faite se fale mō ia? Me e se ofi a ia i te lagi,+ tela la, ko oi au ke faite ne au se fale mō ia kae na ko te faite fua o se koga ke fai ei ke fanaka te au o taulaga i ana mua? 7 Tela la, uga mai ki a au se tufuga apo i te faite o mea ki aulo, siliva, kopa,+ fiti, vulu lanu violeta, filo lanu kula malosi mo te lanu moana kae iloa ne ia o koli a mea fakagali‵gali. Ka galue a ia i Iuta mo Ielusalema fakatasi mo aku tufuga apo i te faite mea, kolā ne fakatoka mai ne toku tamana ko Tavita.+ 8 Kae aumai ki a au a laupapa alasi, iunipa,+ mo asi+ mai Lepanona, me iloa ‵lei ne au me e apo au tavini i te ‵katiga ki lalo o lakau o Lepanona.+ Ka ga‵lue fakatasi aku tavini mo au tavini+ 9 o fakatoka a laupapa e uke ma aku, me i te fale telā ka faite ne au se fale tafasili i te fakaofoofogia. 10 Kiloke! ka fakatoka ne au a meakai ma au tavini,+ ko tino ‵kati lakau kolā e ‵kati ne latou a lakau: e 20,000 koli* saito, 20,000 koli kalite, 20,000 paita* uaina kae 20,000 paita sinu.”

11 I konā loa, ne tusi ne Hilamo te tupu o Tulo te fekau tenei kae avatu ki a Solomona: “Ona ko Ieova e alofa ki ana tino, ne fai ei ne ia koe mo fai te lotou tupu.” 12 Tenā ne fai atu ei a Hilamo: “Ke vikia a Ieova te Atua o Isalaelu, telā ne faite ne ia te lagi mo te lalolagi, me ne tuku ne ia ki te Tupu ko Tavita se tama tagata poto,+ e atamai kae malamalama,+ telā ka faite ne ia se fale mō Ieova mo se fale mō tena malo. 13 Ka uga atu nei ne au se tufuga apo i te faite mea telā e isi se malamalama i ei ko Hilamo-api,+ 14 ko te tama tagata a te fafine Tanu kae ko tena tamana se tagata Tulo; e lasi tena iloa i te faitega o mea ki aulo, siliva, kopa, fiti, fatu, laupapa, vulu lanu violeta, filo lanu moana, laugatu ‵lei kae kula malosi.+ E mafai ne ia o koli so se ata kae ‵lomi so se mea e tuku atu ki a ia.+ Ka ga‵lue fakatasi a ia mo au tufuga apo i te faite mea mo tufuga apo i te faite mea a toku aliki ko Tavita tou tamana. 15 Nei la, ke na aumai ne toku aliki a te saito, kalite, sinu, mo te uaina telā ne tauto mai a ia ki ana tavini.+ 16 Kae ka ‵kati ne matou ki lalo a lakau o Lepanona,+ ki te uke telā e manako koe ki ei, kae ka saisai tasi ne matou o avatu ki a koe i te tai ki Iopa;+ kae ka avatu ne koe ki Ielusalema.”+

17 Tenā ne lau aka ei ne Solomona a tāgata katoa mai fenua fakaa‵tea i te fenua o Isalaelu,+ mai tua o te lauga o tino telā ne fai ne tena tamana ko Tavita,+ kae ne maua aka ne ia te aofaki e toko 153,600. 18 Tenā ne ‵tofi ei ne ia e toko 70,000 mai i a latou e pelā me ne tino ga‵lue masani,* e toko 80,000 e pelā me ne tino ‵kati fatu+ i mauga, kae toko 3,600 e pelā me ne ovasia e fakaga‵lue ne latou a tino.+