Salamo
Se pese. Ko te pese a tama tāgata a Kola.+
48 A Ieova e sili kae e ‵tau eiloa o avatu ki ei a vikiga
I te fakai o te ‵tou Atua, i tena mauga tapu.
2 E gali tena maluga, ko te fiafiaga o te lalolagi kātoa,+
Ko te Mauga o Siona telā e tu ‵mao i te feitu ki mātū,
Ko te fakai o te Tupu Sili.+
3 I ana taoa ma‵losi,
Ne fakailoa atu ne te Atua i a ia ko te lafiga tokagamalie.+
4 Kiloke! a tupu ko oti ne maopoopo;
Ko olo fakatasi atu latou.
5 I te laveaga ne latou te fakai, ne ofo latou.
Ne manava‵se latou kae ‵tele mo te ma‵taku.
6 Ne pole‵pole latou i te ma‵taku i konā,
Ko ‵pau eiloa mo te tigaina o se fafine ko fanau.
7 E faka‵kasa ne koe a vakamutu o Talasisi ki te matagi mai saegala.
8 A te mea telā ne ‵logo matou i ei, ko lavea eiloa ne matou ki omotou mata
I te fakai o Ieova o kautau, i te fakai o te ‵tou Atua.
Ka faka‵mautakitaki ne te Atua a te mea tenā ki te se-gata-mai.+ (Selā)
9 Ne mafaufau ‵loto matou ki tou alofa fakamaoni, e te Atua,+
I loto i tou faletapu.
10 E pelā mo tou igoa, e te Atua, a ou vikiga
Ko oko atu ki koga ‵mao o te lalolagi.+
A tou lima fakaatamai ko ‵fonu i te amiotonu.+
12 Māti fakatamilo i Siona; ke olo fakatamilo i ei;
Kae lau aka ana taoa.+
13 Tuku atu otou loto ki ana koga ma‵luga.*+
Iloilo aka ana taoa ma‵losi,
Ko te mea ke mafai o fakamatala atu ne koe ki kautama o aso mai mua.
14 Me i te Atua tenei ko te ‵tou Atua+ ki te se-gata-mai, se-gata-mai eiloa.