Iopu
19 Ne tali atu a Iopu:
3 I taimi e sefulu konei ne pati ‵toko* eiloa ne koutou au;
A koutou e se ‵ma i otou mea ma‵sei e fai mai ki a au.+
4 Kae kafai ne fai eiloa ne au se mea ‵se,
E nofo eiloa mo au taku mea ‵se.
5 Kafai e taumafai eiloa koutou o fakamaluga aka koutou i a au,
Kae fai aka me e ‵tonu eiloa a mea fakamasiasi konei ko fai ki a au,
6 Ke iloa la ne koutou me ko te Atua ne takitaki ‵se ne ia au,
Kae ko ‵po ne ia au i tena malei.
7 Kiloke! E kalaga atu faeloa au, ‘Au ko fakasaua!’ kae e seai se tali e maua ne au;+
E kalaga atu faeloa au mō se fesoasoani, kae e seai se fakamasinoga tonu.+
8 A toku auala ko oti ne ‵pono ne ia ki se ‵pui fatu, kae ko se mafai au o fano i ei;
Ko oti ne ufi ne ia oku auala ki te pouliga.+
9 Ko oti ne ave kea‵tea ne ia a toku ‵malu
Kae tapale te kalauna mai toku ulu.
10 E ofa ne ia au ki lalo i feitu katoa ke oko ki te taimi ko mate ei au;
A toku fakamoemoega e unu kea‵tea ne ia e pelā me se lakau.
11 A tena kaitaua ko ‵ka eiloa ki a au,
Kae e kilo mai ki a au e pelā me ko tena fili.+
12 Ana kautau e o‵mai fakatasi kae nikoi ne latou au,
Kae ‵nofo i tafatafa o toku faleie.
13 A oku taina ko oti ne ave ne ia ke ‵mao ‵ki mai i a au,
Kae ko tino kolā e iloa ne latou au ko fulitua mai ki a au.+
15 A mālō i toku fale+ mo aku pologa fāfine ko fai ne latou au e pelā me se tino fakaa‵tea;
Au se tino fakaalofa i te lotou kilokiloga.
16 E kalaga atu au ki taku tavini, kae e se tali mai;
E fakamolemole atu au ki a ia i toku gutu ke alofa mai.
17 A toku mānava ko fakatakalialia ki taku avaga,+
Kae ko fai au e pelā me se mea manogi masei ki oku taina.*
18 Ke oko ki tama‵liki fo‵liki ko takalia‵lia mai ki a au;
Kafai e tu aka au, kae kamata o fakalili ne latou au.
19 Oku taugasoa ‵pili katoa ko se fia‵fia mai ki a au,+
Kae ko tino kolā ne alofa au ki ei ko ‵fuli o ‵teke mai ki a au.+
21 Fakaasi mai te alofa fakamagalo, e oku taugasoa, fakaasi mai te alofa fakamagalo,
Me i te lima o te Atua ko patele mai ki a au.+
22 Kaia e fakasaua faeloa ne koutou au e pelā mo mea e fai ne te Atua,+
23 Moi fai la ke tusi aku pati ki lalo,
Moi fai la ke fakamau ki loto i se tusi!
24 Ke ta i luga i se kaupapa ki te se-gata-mai,
Ki se ‵peni fiti mo se pōlo fiti!
25 E iloa ‵lei ne au me i te tino e fakasao ne ia au+ e ola;
Ka vau a ia fakamuli kae tu aka i luga i te laukele.*
26 Kafai ko oti ne fakamasei toku pa‵kili,
I te taimi koi isi ei ne oku ‵kano, ka lavea eiloa ne au a te Atua,
27 Ko te tino telā ka lavea ne au,
Ko te tino telā ka lavea ne au ki oku mata, kae e se ki mata o te suā tino.+
Kae i loto eiloa i toku ‵kano loto ko ‵fonu i te manavase!*
28 Me fai aka koutou, ‘I te auala fea e fakasaua ei ne tatou a ia?’+
Me i te pogai o te fakalavelave e nofo eiloa mo au.