Ielemia

25 Ko te fekau telā ne oko mai ki a Ielemia e uiga ki tino katoa o Iuta i te fa o tausaga o te pulega a Ieoiakimo+ te tama tagata a Iosia, te tupu o Iuta, telā ko te tausaga muamua o te pulega a Nepukanesa* te tupu o Papelonia. 2 Konei a pati a Ielemia te pelofeta ne fai e uiga ki tino katoa o Iuta mo tino katoa kolā e ‵nofo i Ielusalema:

3 “Mai i te 13 tausaga o te pulega a Iosia+ te tama tagata a Amone, te tupu o Iuta, ke oko mai ki te aso nei, i tausaga e 23 konei, ne oko mai ei te fekau a Ieova ki a au, kae ne fai atu faeloa ne au ki a koutou, kae ko koutou e se fia faka‵logo mai.+ 4 Kae ko Ieova ne uga atu ne ia ana tavini katoa ko pelofeta ki a koutou, kae ne toe uga atu faeloa ne ia latou, kae ko koutou e se fia faka‵logo mai io me tuku mai otou taliga o faka‵logo.+ 5 E fai atu latou, ‘Fakamolemole, fulitua atu ki otou auala ma‵sei mo otou faifaiga matagā;+ kae ka ‵nofo leva koutou i te fenua telā ko leva ne tuku atu ne Ieova ki a koutou mo otou tupuga. 6 Ke mo a ma tau‵tali atu i nisi atua kae tavini atu ki a latou kae ifo ki a latou, kae fai au ke kaitaua ki galuega e fai ne otou lima; i te mea ma aumai ne au a te puapuaga ki a koutou.’

7 “‘Kae ko koutou e se fia faka‵logo mai ki a au,’ ko te folafolaga a Ieova. ‘I lō te fai penā, ne fai ne koutou au ke kaitaua ki galuega e fai ne otou lima, kae puapuaga ei koutou.’+

8 “Tela la, konei a pati a Ieova o kautau ne fai mai, ‘“Ona ko koutou ne seki faka‵logo ki aku muna, 9 ka uga atu taku fekau ki kāiga katoa i te feitu ki mātū,”+ ko te folafolaga a Ieova, “mo te tupu o Papelonia ko Nepukanesa,* taku tavini,+ kae ka aumai ne au latou ke taua ki te fenua tenei+ kae taua atu ki tino e ‵nofo i ei e pelā foki mo fenua katoa i ana tafa.+ Ka tuku atu ne au latou ki te fakaseaiga kae fai latou e pelā me se mea fakamataku kae se mea fakatauemu* mo te fakamaseiga tumau. 10 Ka fakagata ne au a leo o te fia‵fia mo leo o te ‵lifu mai i a latou,+ te leo o te tagata ka fakaipoipo mo te leo o te fafine ka fakaipoipo,+ te ‵tagi o te mea solo saito mo te mainaga o te moli. 11 Kae ko te laukele kātoa tenei ka fakamasei kae ka fai pelā me se mea fakamataku, kae ko atufenua konei e ‵tau o tavini atu ki te tupu o Papelonia i tausaga e 70.”’+

12 “‘Kae kafai ko kātoa a tausaga e 70,+ ka fakasala ne au a te tupu o Papelonia mo te atufenua tenā ona ko te lotou mea ‵se ne fai,’+ ko te folafolaga a Ieova, ‘kae ka fai ne au a te fenua o tino Kaletaia mo fai se laukele sē aoga mō taimi katoa.+ 13 Ka fakaoko atu ne au ki luga i te fenua tenā aku pati katoa ne fai e uiga ki ei, ko mea katoa kolā e tusi i te tusi tenei ne fai ei ne Ielemia tena valoaga e uiga ki atufenua katoa konei. 14 Me ka fai latou e pelā me ne pologa ne atufenua e uke mo tupu sili,+ kae ka toe ‵togi atu ne au ki atufenua e ‵tusa mo olotou faifaiga mo galuega ne fai ne olotou lima.’”+

15 Me konei a pati a Ieova te Atua o Isalaelu ne fai mai ki a au: “Puke te ipu uaina tenei o te kaitaua kea‵tea mo toku lima, kae fai ke inu ki ei a atufenua katoa ne uga atu ne au koe ki ei. 16 Kae ko latou ka inu kae takasēsē kae fai pelā me ne tāgata fakavale‵vale ona ko te pelu telā ka uga atu ne au ki a latou.”+

17 Tenā ne puke ei ne au te ipu mai i te lima o Ieova kae fai ke inu ki ei a atufenua katoa ne uga atu au ne Ieova ki ei:+ 18 e kamata mai i Ielusalema mo fakai o Iuta,+ ana tupu mo ana pelenise, ke fai latou ke ma‵sei valevale, se mea fakamataku, se mea fakatauemu kae se mala,+ e pelā mo te mea ko tupu i te aso nei; 19 ‵tao atu ki ei ko te Falao te tupu o Aikupito mo ana tavini, ana pelenise mo ana tino katoa,+ 20 mo tino kese‵kese katoa; ko tupu katoa o Iusa; ko tupu katoa o fenua o Filisitia,+ Asekelona,+ Kasa, Ekelona mo te ‵toega o tino i Asetota; 21 Etoma,+ Moapi,+ mo tino Amoni;+ 22 tupu katoa o Tulo, tupu katoa o Saitonu,+ mo tupu o fenua fo‵liki o te tai; 23 Titana,+ Teema, Pusa mo latou katoa kolā ne ‵kati olotou laulu i feitu o olotou ulu;+ 24 ko tupu katoa o tino Alapi+ mo tupu katoa o tino kese‵kese kolā e ‵nofo i te koga lavaki; 25 ko tupu katoa o Semeli, tupu katoa o Elama+ mo tupu katoa o tino Metai;+ 26 mo tupu katoa o mātū kolā e ‵pili mai kae ‵mao, e tokotasi i tua o te suā tino, mo nisi malo katoa o te lalolagi i luga i te laukele; kae ko te tupu o Sisaka*+ ka inu mai tua o latou.

27 “Kae e ‵tau mo koe o fai atu ki a latou, ‘Konei a pati a Ieova o kautau, te Atua o Isalaelu, ne fai mai: “Inu ke konā kae lua kae siga ki lalo ko te mea ke se mafai ne koe o tu aka+ ona ko te pelu telā ka uga atu ne au ki a koutou.”’ 28 Kae kafai e ita latou ma puke te ipu mai i tou lima o inu ki ei, fai atu ki a latou, ‘Konei a pati a Ieova o kautau ne fai mai: “E ‵tau mo koe o inu ki ei! 29 Kiloke! kafai e aumai muamua ne au te puapuaga ki te fakai telā e tuku i ei toku igoa,+ e a, ka se fakasala koe?”’+

“‘A koe ka se sao eiloa i te fakasalaga, me ko kalaga atu au ki se pelu ke taua atu ki tino katoa kolā e ‵nofo i te lalolagi,’ ko te folafolaga a Ieova o kautau.

Ka tagi a ia pelā me se leona i se leo maluga ki tena koga nofo.

Ka fakamasino ne ia a tino katoa.+

Kae ka tuku atu ne ia a tino amio ma‵sei ki te pelu,’ ko te folafolaga a Ieova.

32 Konei a pati a Ieova o kautau ne fai mai:

33 “‘Kae ko latou kolā ne tamate ne Ieova i te aso tenā e kamata mai i te mata e tasi o te lalolagi ke oko ki te suā mata o te lalolagi. Ka seai se tino e tagi fanoanoa mō latou, io me fakamaopoopo fakatasi latou io me tanu. Ka fai latou e pelā me ne kaiao i luga i te laukele.’

34 ‵Tagi i se leo maluga, koutou e tausi mamoe, kae ‵tagi malosi!