Te Muamua Nofoaiga Tupu

14 Ne uga atu ne te tupu o Tulo ko Hilamo+ a avefekau ki a Tavita, fakatasi mo laupapa alasi, tino faite mea ki fatu,* mo tino faite mea ki lakau ke faite ne latou se fale* mō ia.+ 2 Kae ne iloa ne Tavita me ko oti ne faka‵mautakitaki ne Ieova a ia e pelā me ko te tupu o Isalaelu,+ me ko oti ne fakamaluga aka tena pulega fakatupu ona ko Ana tino Isalaelu.+

3 Ne tokouke atu a nisi avaga+ a Tavita ne puke i Ielusalema, kae ne fai a Tavita mo tamana o tama tāgata mo tama fāfine+ e tokouke. 4 Konei a igoa o tama‵liki a ia ne fa‵nau mai i Ielusalema:+ ko Samua, Sopapa, Natano,+ Solomona,+ 5 Ipala, Elisua, Elipeleti, 6 Noka, Nefeku, Iafia, 7 Elisama, Peliata mo Elifeleti.

8 I te taimi ne ‵logo ei a tino Filisitia me ko oti ne ‵tofi aka a Tavita ke fai mo tupu i Isalaelu,+ ne olo atu a tino Filisitia katoa o ‵sala a Tavita.+ I te logoga a Tavita i ei, ne fanatu a ia o taua atu ki a latou. 9 Tenā ne o‵mai ei a tino Filisitia kae taua faeloa i te Vanu o Lefaima.+ 10 Ne fesili atu a Tavita ki te Atua, ana muna: “E mata, e ‵tau au o fano o taua ki tino Filisitia? E mata, ka tuku mai ne koe latou ki oku lima?” I konā loa, ne fai atu a Ieova ki a ia: “Fano, me ka tuku atu eiloa ne au a latou ki ou lima.”+ 11 Tenā ne fanatu ei a Tavita ki Paala-pelasima,+ kae ne ‵ta ne ia latou i konā. Kae ne fai aka a Tavita: “A te Atua tonu ko fano i oku mua e pelā me ne vai e ‵tafe kae fakaseai ei oku fili.” Tenā te pogai ne fakaigoa ei te koga tenā ko Paala-pelasima. 12 Ne tiaki ne tino Filisitia olotou atua i konā, kae i te taimi ne fai ei te fakatonuga a Tavita, ne ‵sunu ei a mea konei ki te afi.+

13 Fakamuli ifo, ne toe o‵mai a tino Filisitia kae taua atu i te vanu.+ 14 Ne toe fesili atu a Tavita ki te Atua, kae ne fai mai te Atua tonu ki a ia: “Sa fano ‵tonu ki a latou. Kae fano o vau i olotou tua, o taua mai ki a latou i mua o vao+ lakau ko peka. 15 Kae kafai ko lagona ne koe a mea e pelā me ne tino e sa‵sale i taulu o vao lakau ko peka, ke na taua atu eiloa koe, me i te Atua tonu ko fanatu i ou mua o ‵ta te kautau a tino Filisitia.”+ 16 Ne fai eiloa ne Tavita a mea ne fakatonu atu ne te Atua tonu ki a ia,+ kae ne ‵ta ne latou a te kautau a Filisitia mai Kipeona ke oko ki Kesela.+ 17 Ne takutakua a Tavita i fenua katoa, kae ne fai ne Ieova a tino i atufenua+ katoa ke ma‵taku ki a ia.