Ielemia
46 Tenei te fekau a Ieova ki a Ielemia te pelofeta e uiga ki atufenua:+ 2 Mō Aikupito,+ e uiga ki te kautau a te Falao ko Neko+ te tupu o Aikupito, telā ne nofo i tafatafa o te Vaitafe ko te Eufilate kae ne fakatakavale i Kakemisa ne te tupu o Papelonia ko Nepukanesa* i te fa o tausaga o te pulega a Ieoiakimo+ te tama tagata a Iosia, te tupu o Iuta:
3 “Fakatoka otou talita fo‵liki* mo talita ‵lasi,
Kae olo atu o taua.
4 Fakatoka a solofanua kae ‵tele i ei, koutou e tāgata faka‵tele solofanua.
‵Tu i otou tulaga kae pei otou puloutau.
Fakamata otou tao kae pei otou gatu tau fiti.
5 ‘Kaia e lavea ei ne au latou e pole‵pole i te ma‵taku?
Ko ‵foki a latou ki tua, ko tuki palapala olotou toa ‵mafi.
Ko ‵tele latou i te ma‵taku, e seki toe ‵fuli mai olotou toa ‵mafi.
Ko isi eiloa se mataku i koga katoa,’ ko te folafolaga a Ieova.
6 ‘A tino ‵tele ma‵kini ko se mafai o ‵tele kea‵tea, kae ko toa ‵mafi ko se mafai o ‵sao.
I te feitu ki mātū, i kaugutu o te Vaitafe ko te Eufilate,
Ne pa‵kū kae ‵siga i ei latou.’+
7 Ko oi tenei e fanaka mai te Vaitafe ko te Naila,
E pelā mo vaitafe kolā e sou a vai i ei?
8 A Aikupito e fanaka e pelā eiloa mo te Vaitafe ko te Naila,+
E pelā mo vaitafe kolā e sou a vai i ei,
Kae fai mai a ia, ‘Au ka fanaka o ufi te lalolagi.
Ka fakamasei ne au a te fakai mo tino kolā e ‵nofo i ei.’
9 Olo aka, koutou e solofanua!
‵Tele valevale, koutou e kaliota!
Ke olo i mua a toa ‵mafi,
Ko Kusi mo Puti kolā e puke i talita,+
10 “A te aso tenā e o te Aliki Sili, ko Ieova o kautau, ko te aso o te taui ma sui ke taui atu ei ki ana fili. Kae ko te pelu ka kai kae ka lotomalie kae makona i te inuga ki olotou toto, me i te Aliki Sili, ko Ieova o kautau, e isi sena taulaga* i te fenua ki mātū i tafa o te Vaitafe ko te Eufilate.+
11 Fano ki luga i Kileata o puke mai a sinu pasama,+
E te tamafine ‵ma o Aikupito.
E seai se aoga ne fakauke ei ne koe a mea e faka‵lei ei koe,
Me e seai se faka‵leiga mō koe.+
12 Ko oti ne ‵logo a atufenua i tou sē āva,+
Kae ko ‵fonu te fenua i tau tagi.
Me i toa ‵mafi e ‵siga i nisi toa ‵mafi,
Kae e ‵siga fakatasi latou ki lalo.”
13 Tenei te fekau ne fai atu ne Ieova ki a Ielemia te pelofeta e uiga ki te oko mai o te tupu o Papelonia ko Nepukanesa* o ‵ta a te fenua o Aikupito:+
14 “Folafola atu i Aikupito, fakasalalau atu i Mikitolo.+
Fakasalalau atu i Nafi* mo Tapenesa.+
Fai atu, ‘‵Tu i otou tulaga kae fakatoka koutou,
Me ka fakamasei ne te pelu a mea katoa i otou tafa.
15 Kaia ne ‵tafe kea‵tea ei otou tāgata ma‵losi?
Ne seki ‵tu latou i olotou tulaga,
Me ne ‵tule ne Ieova latou ki lalo.
16 Ne pa‵kū kae ‵siga latou i aofaki e tokouke.
E fai aka latou te suā tino ki te suā tino:
“‵Tu ki luga! Tatou ka ‵foki ki ‵tou tino mo ‵tou fenua
Ona ko te pelu saua.”’
17 Ne folafola atu latou i konā,
‘A te Falao te tupu o Aikupito se tino gutu faipati
18 ‘E pelā eiloa mo au e ola,’ ko te folafolaga a te Tupu, telā a tena igoa ko Ieova o kautau,
‘Ka vau a ia* e pelā mo Tapola+ i loto i mauga
Kae pelā mo Kalamelu+ i tafatafa o te tai.
19 Fakatoka ou kope i a koe ka ave fakapagota,
E te tama fafine e nofo i Aikupito.
Me i a Nafi* ka fai pelā me se mea fakamataku;
Ka faka‵ka ki te afi* kae tiaki e aunoa mo se tino e nofo i ei.+
20 A Aikupito e fai pelā me se tamā pulumakau gali,
Kae ka ‵mai a namu mai i te feitu ki mātū o taua atu ki ei.
21 Ke oko ki ana sotia kolā ne ‵togi mai e fai pelā me ne pulumakau puta‵puta,
Kae ko oti foki ne ‵foki latou ki tua kae ‵tele fakatasi.
E se mafai ne latou o ‵tu i olotou tulaga,+
Me i te aso o te lotou puapuaga ko oko mai ki a latou,
Ko te taimi o te lotou fakasalaga.’
22 ‘A tena ‵tagi e fai pelā mo te ‵tagi o te gata ‵solo,
Me e o‵mai latou mo te malosi i ana tua, mo takū,
E pelā mo tāgata ‵kati lakau.*
23 Ka ‵kati ki lalo ne latou ana togavao,’ ko te folafolaga a Ieova, ‘faitalia me faigata ke ulu atu i loto i ei.
Me e tokouke atu latou i seakelise, e se mafai o lau.
24 A te tama fafine a Aikupito ka fakamasiasigina.
Ka tuku atu a ia ki tino mai i te feitu ki mātū.’+
25 “A Ieova o kautau, te Atua o Isalaelu, ne fai mai: ‘Ka saga atu nei au ki a Amone+ mai i No,*+ ki te Falao, ki Aikupito, ki ana atua,+ mo ana tupu—ao ki te Falao mo latou katoa kolā e tali‵tonu ki a ia.’+
26 “‘Kae ka tuku atu ne au a latou ki tino kolā e taumafai o tamate latou,* ki te tupu o Papelonia+ ko Nepukanesa* mo ana tavini. Ka oti aka, ko mafai ei o toe ‵nofo a tino i ei e pelā mo aso mua,’ ko te folafolaga a Ieova.+
27 ‘E pelā mo koe, sa mataku, e taku tavini ko Iakopo,
Kae sa polepole, e Isalaelu.+
A Iakopo ka foki mai kae ka filemu kae saogalemu,
Kae seai se tino e ma‵taku latou ki ei.+
28 Tela la, sa mataku, e taku tavini ko Iakopo,’ ko te folafolaga a Ieova, ‘me i a au e fakatasi atu ki a koe.