Te Muamua Samuelu

29 Ne fakamaopoopo ne tino Filisitia+ olotou kautau katoa i Afeka, kae ko tino Isalaelu ne ‵nofo i te vaipuna i Ieseleelu.+ 2 Kae ko aliki o tino Filisitia ne solo mai mo olotou sotia e taki tokoselau mo taki tokoafe, kae ko Tavita mo ana tāgata ne olo fakatasi atu mo Akisa+ mai tua. 3 Kae ne fai aka a pelenise o tino Filisitia: “Kaia e ‵nofo ei i konei a tino Epelu konā?” Ne tali atu a Akisa ki pelenise o tino Filisitia: “A ia tenei ko Tavita, te tavini a te tupu o Isalaelu ko Saulo, telā ne ‵nofo mo au i se tausaga tupu.+ E seai eiloa se mea ‵se ne maua ne au i a ia mai te aso ne tele mai ei a ia ki a au ke oko mai eiloa ki te aso nei.” 4 Kae ne kaitāua a pelenise o Filisitia ki a ia, olotou muna ki a ia: “Fai ki te tagata tenā ke foki.+ Fai ki ei ke foki ki te koga ne tuku ne koe a ia ki ei. E tapu a ia ma vau i a tatou ki te taua, i te mea ma mafuli mai o ‵ta tatou i te taua.+ Me se a foki la te auala sili e fakafiafia ei ne ia tena aliki, kae na ko te tamate fua ne ia a ‵tou tāgata? 5 E a, e se ko Tavita tenei ne usu sāle latou e uiga ki ei i te taimi ne ‵saka ei latou, kae fai aka:

6 Tenā ne kalaga atu ei a Akisa+ ki a Tavita kae fai atu ki ei: “E pelā eiloa mo Ieova e ola, a koe se tino fai mea tonu, kae e fiafia au ke kau mai koe ki te taua fakatasi mo taku kautau,+ me e seai eiloa se mea ‵se ne maua ne au i a koe mai te aso ne vau ei koe ki a au ke oko mai eiloa ki te aso nei.+ Kae ko aliki konei e se tali‵tonu ki a koe.+ 7 Tela la, foki mo te filemu kae sa fai eiloa ne koe se mea ke se fia‵fia ki ei a aliki o tino Filisitia.” 8 Kae ne fai atu a Tavita ki a Akisa: “Kaia, se a taku mea ne fai? Se a te mea ‵se ne lavea ne koe e fai ne tau tavini mai te aso ne vau ei au ki a koe ke oko mai eiloa ki te aso nei? Kaia e se mafai ei o fanatu au i a koe o taua atu ki fili o toku aliki te tupu?” 9 Ne tali atu a Akisa ki a Tavita: “Mai taku kilokiloga, a koe e pelā eiloa me se agelu a te Atua i te ‵lei.+ Kae ko pelenise o tino Filisitia ko oti ne fai mai, ‘E tapu a ia ma vau i a tatou ki te taua.’ 10 Tela la, i te tafataeao ma taeao ke ala vave koutou fakatasi mo tavini o tou aliki kolā ne o‵mai mo koe kae olo i te tafataeao ‵malu māfai ko kamata o maina mai.”

11 Tenā ne ‵tu fakavave ei a Tavita mo ana tāgata i te tafataeao ‵malu o ‵foki atu ki te fenua o tino Filisitia, kae ko tino Filisitia ne olo eiloa ki Ieseleelu.+