Salamo
Ki te takitaki o te kau fai pese. Ko te salamo a Tavita.
14 E fai aka te tino valea i tena loto:
“E seai se Ieova.”+
A olotou faifaiga e piko‵piko, kae ko olotou mea e fai e fakatakalia‵lia;
E seai se tino e fai ne ia te mea ‵lei.+
2 Kae e kilo ifo a Ieova mai te lagi ki tama a tāgata
Ke onoono aka me e isi se tino e ‵loto tena malamalama, io me e isi se tino e salasala ki a Ieova.+
3 A latou katoa ko oti ne ‵fuli kea‵tea;+
E ‵pau katoa latou i te fai mea piko‵piko.
E seai se tino e fai ne ia te mea ‵lei,
E seai eiloa se tino.
4 E a, e seai se tino fai mea ‵se e malamalama?
E fakaseai katoatoa ne latou oku tino e pelā eiloa me e ‵kai latou ki falaoa.
E se ka‵laga atu latou ki a Ieova.
5 Kae ka ‵fonu eiloa latou i te ma‵taku,+
Me i a Ieova e fakatasi ki te kautama o tino amio‵tonu.
6 A koutou tino fai mea ‵se e taumafai o fakamakosu a palani a te tino malalo,
Kae ko Ieova ko tena lafiga.+
7 A te fakaolataga o Isalaelu ke vau eiloa mai i Siona!+
Kafai ko toe fakamaopoopo mai ne Ieova ana tino kolā ne ave fakapagota,
Ke fiafia eiloa a Iakopo, ke ‵lifu a Isalaelu.