Salamo

84 Ko oko eiloa i te gali o tou faleie tapu sili,+

E Ieova o kautau!

 2 A toku foitino kātoa e olioli malosi,

Ao, au ko matapo i te manako malosi,

Ki te koga ateatea o Ieova.+

 3 Ke oko ki te manu eva e maua tena fale i konā

Mo te sualou e maua tena ofaga,

I te koga e tausi ne ia i ei ana tama

I tafa o tau fatafaitaulaga sili, e Ieova o kautau,

Ko toku Tupu telā ko toku Atua!

 5 E fia‵fia a tāgata kolā e maua te lotou malosi mai i a koe,+

Kolā e ma‵nako malosi ke olo atu i auala ki tou fale.

 6 Kafai e olo atu latou i tafa o te Vanu o Peka,*

E oko atu latou ki te koga o vaipuna;

Kae ko te vaiua muamua e faka‵fonu ne ia ki fakamanuiaga.

 7 E sa‵sale atu latou kae ka tumau eiloa te lotou ma‵losi;+

E ‵tu atu a tino taki tokotasi i mua o te Atua i Siona.

 8 Ieova te Atua o kautau, fakalogo mai ki taku ‵talo;

Fakalogo mai, e te Atua o Iakopo. (Selā)

 9 Kiloke, ki te ‵tou talita+ telā ko te ‵tou Atua,

Kilo atu ki mata o tau tino fakaekegina.+

Ne filifili aka ne au ke tu atu au i te mataloa o te fale o toku Atua

I lō te nofo i faleie o tino amio ma‵sei.

11 Me i a Ieova te Atua se la+ mo se talita;+

E tuku mai ne ia a mea ‵lei mo te ‵malu.

Ka se taofi ne Ieova so se mea ‵lei

Mai i a latou kolā e sa‵sale i te fakamaoni.+

12 Ieova o kautau,

E fiafia te tagata telā e talitonu ki a koe.+