Faataoto
16 A te tagata e fakatoka ne ia a mafaufauga o tena loto,*
4 Ne fai ne Ieova ke ga‵lue a mea katoa mō tena fuafuaga,
Ke oko eiloa ki te fakaseaiga o tino amio ma‵sei i te aso o te fakalavelave.+
5 So se tino e loto fakamatamata e takalialia ki ei a Ieova.+
E mautinoa* me ka se sao eiloa a ia i te fakasalaga.
6 E auala i te alofa fakamaoni mo te fakamaoni, e fakamagalo ei a agasala,+
Kae e auala i te mataku ki a Ieova e ‵fuli kea‵tea ei se tino mai te masei.+
7 Kafai e fiafia a Ieova ki auala o se tagata,
E fai eiloa ne ia ana fili ke maua se va filemu mo ia.+
8 E ‵lei atu ke mu‵tana a mea e maua fakatasi mo te amiotonu+
I lō te mauaga o se peofuga lasi e aunoa mo te fakamasinoga tonu.+
9 E mafai ne se tagata o fakatoka tena auala i tena loto,
Kae ko Ieova eiloa e takitaki ne ia ana kalafaga.+
10 E ‵tau o maua i laugutu o se tupu+ a fakaikuga a te Atua;
E se ‵tau eiloa o fai ne ia a fakamasinoga sē ‵tonu.+
11 A fua mea ‵mafa mo fua fakatau‵tau ‵tonu e maua mai i a Ieova;
A mea ‵mafa katoa i loto i te taga ko ana galuega.+
12 E takalia‵lia eiloa a tupu ki faifaiga ma‵sei,+
Me i te nofogaaliki e faka‵mautakitaki e auala i te amiotonu.+
13 A pati amio‵tonu se mea fakafiafia ki tupu.
E a‵lofa latou ki te tino e faipati ki te mea tonu.+
14 A te kaitaua o te tupu e pelā me se avefekau o te mate,+
Kae ko te tagata poto e taumafai o taofi tena kaitaua.+
15 A te mainaga i mata o te tupu e maua i ei te ola;
A tena taliaga e pelā me se kaumana o te vaiua i te tau e ‵somo aka ei a lau o lakau.+
16 E ‵lei atu ke maua te poto i lō te aulo!+
E ‵tau o filifili ke maua te malamalama i lō siliva.+
17 A te auala o te tino fai mea tonu e ‵fuli kea‵tea mai te masei.
So se tino e leoleo ne ia tena auala e puipui ne ia tena ola.+
18 E mua te fakamatamata, ko pakū ei ki lalo se tino,
Kae e mua te fakamaualuga, ko siga ei a ia.+
19 E ‵lei atu ke loto maulalo fakatasi mo tino agamalu+
I lō te fakaaoga fakatasi o mea a tino fakamaua‵luga ne maua mai i te taua.
20 A te tino e fakaasi atu ne ia te ‵loto o tena malamalama ka manuia,*
Kae e fiafia eiloa a te tino telā e talitonu ki a Ieova.
21 A te tino e poto i tena loto ka taku pelā me e malamalama,+
Kae ko te tino e faipati mo te atafai* e fai ei ke fia‵fia mai a tino ki a ia.+
22 A te ‵loto o te malamalama ko te punavai o te ola ki tino kolā e maua ne latou,
Kae ko tino va‵lea e polopoloki ne olotou mea va‵lea e fai.
23 A te loto o te tino poto e tuku atu ne ia ki tena gutu a te ‵loto o te malamalama+
Kae fai ei ke ‵gali malosi ana pati.
24 A pati ‵gali ko te hani tenā,
E suamalie ki te foitino kae se faka‵leiga ki ivi.+
25 E isi se auala telā e foliga tonu ki se tagata,
Kae i te fakaotiga e iku atu ki te mate.+
28 A te tino faka‵tupu fakalavelave* e fakamāfua ne ia a kinauga,+
Kae ko te tino gutu fatufatu e fai ne ia ke mavae‵vae a taugasoa ‵pili.+
29 A te tagata saua e fakakolekole ne ia tena tuakoi
Kae takitaki atu a ia i te auala ‵se.
30 E faka‵kivi tena mata i te taimi e fai ei ana togafiti fakalogo‵mae.
E ū fakatasi ne ia ana laugutu i te taimi e fakataunu ei tena togafiti.