Salamo
Ko te ‵talo a te tino mafatia i te taimi ko fanoanoa ei a ia* kae ‵ligi atu ki mua o Ieova ana manavasega katoa.+
2 Sa ‵funa ou mata mai i a au i te taimi o toku puapuaga.+
3 Me i oku aso ko ‵galo vave e pelā me se ausaga,
Kae ko oku ivi ko uli eiloa e pelā me se koga tafu afi.+
4 A toku loto ko oti ne tuki palapala e pelā me se mouku kae ko magemage,+
Me ne puli i a au o kai aku meakai.
6 Ko ‵pau au mo te manu eva ko te pelikane o te koga lavaki;
Ko fai au e pelā me se tamā lulu i koga kolā ne fakamaseigina.
7 Au e moe alaala;
E fai au e pelā me se manu eva e nofo tokotasi faeloa i luga i se tuafale.+
8 I te aso kātoa e fakaitaita mai oku fili ki a au.+
A latou kolā e fakatauemu mai ki a au* e fakaaoga toku igoa e pelā me se fakamalaiaga.
9 Me i a au e kai ki ‵pefu e pelā me ko taku falaoa,+
Kae ko taku meainu ko palu tasi mo loimata,+
10 Ona ko tou ita mo tou kaitaua,
Me ne sau aka ne koe au ki luga o ‵pei atu fua kea‵tea.
12 Kae ko koe e tumau ki te se-gata-mai, e Ieova,+
13 E mautinoa me i a koe ka tu aka kae fakaasi atu te alofa fakamagalo ki luga i Siona,+
Me ko oko ki te taimi ke fakaasi atu ki ei tou fiafia;+
Ko oko mai te taimi ko oti ne filifili aka.+
15 A atufenua ka ma‵taku ki te igoa o Ieova,
Kae ko tupu katoa o te lalolagi ki tou ‵malu.+
18 A te mea tenei ne tusi mō kautama i aso mai mua,+
Ko te mea ke ‵viki atu ki a Ioa a tino kolā ka ‵nofo i ei i aso mai mua.
19 Me kilo ifo a ia mai tena koga maluga ‵malu,+
E lavea ne Ieova a te lalolagi mai te lagi,
20 Ke lagona ne ia te mānava fi‵ta o te pagota,+
Ke fakasaoloto a latou kolā ne fakasala ki te mate,+
21 Ko te mea ke folafola atu te igoa o Ieova i Siona+
Mo ana vikiga i Ielusalema,
22 Māfai a tino mo malo
Ko maopoopo fakatasi o tavini atu ki a Ieova.+
23 Ne ave kea‵tea fakavave ne ia toku malosi;
Ne ‵kati ne ia oku aso ke toe‵toe.
24 Ne fai atu au: “Toku Atua,
Sa ave kea‵tea ne koe au i te kogaloto o toku olaga,
A koe telā e tumau a tausaga o tou olaga ki kautama katoa.+
25 Ne fakatakato ne koe te fakavae o te lalolagi i aso taumua eiloa,
Kae ko te lagi ko galuega ne fai ki ou lima.+
26 Ka ‵galo atu a mea konā, kae ko koe ka tumau faeloa;
E pelā me se gatu, ka se aoga katoa a mea konā.
E pelā me se gatu ka sui ne koe a mea konā, kae ka ‵galo atu.
27 Kae ko koe e ‵pau eiloa, kae ko ou tausaga ka se mafai o gata.+
28 A tama‵liki a au tavini ka ola mo te tokagamalie,
Kae ko olotou tama ka faka‵mautakitaki i mua o koe.”+