Iopu
18 Ne tali atu penei a Pilitati+ te tino Suaa:
2 “E pefea te leva ka fakagata ei ne koe au vaegā pati konā?
Fakaasi mai aka te malamalama ko te mea ke mafai ne matou o fai‵pati.
3 Kaia e ‵tau ei o kilo mai koe ki a matou e pelā me ne manu+
Kae fai pelā me va‵lea* i tau kilokiloga?
4 Kafai e saesae likiliki ne koe a koe eiloa i tou kaitaua,
E a, ka mafai o tuku tiaki a te lalolagi ona ko koe,
Io me ka gasue kea‵tea te kaupapa mai te koga ne tu i ei?
5 Ao, a te mainaga o te tino masei ka galo atu,
Kae ko te ulaga o tena afi ka se maina.+
6 A te mainaga i loto i tena faleie ka gasolo eiloa o pouli,
Kae ko te moli mai luga i a ia ka mate.
7 Ana ‵maga ‵loa ka toe‵toe,
Kae ko ana pati fakatonutonu ka fai ei a ia ke siga.+
8 Me ka takitaki a ia ne ana vae ki loto i se tili,
Kae ka takasēsē atu a ia ki loto i se mea valavala.
9 Ka ‵lave tena mulivae i se malei;
Ka ‵po a ia i se matasele.+
10 E isi se lōpu e ‵funa mō ia i te laukele,
Kae ko te malei e fakatakato i tena auala.
11 E mataku a ia ona ko mea fakamataku‵taku i ana feitu katoa+
Kolā e afuli ne latou ana vae.
12 A tena malosi ko fanaifo,
Kae ko puapuaga+ ka fai ei a ia ke ketuketu.
13 A tena pa‵kili ko kaina;
A te ‵toe masaki fakamataku* ko kaina ne ia a vaega o tena foitino.
14 Ko ‵sae kea‵tea a ia mai te tokagamalie o tena faleie+
Kae māti atu ki te tupu o mea fakama‵taku.*
16 Ana aka ka ma‵lō mai lalo i a ia,
Kae ko ana kaula ka mage‵mage mai luga i a ia.
17 A te masausau e uiga ki a ia ka matafi mai te lalolagi,
Kae ko tena igoa ka se iloa i te auala.*
18 Ka afuli a ia mai te mainaga ki loto i te pouliga
Kae afuli kea‵tea mai te laukele ola ‵lei.
19 Ka seai ne ana tama kae seai ne tino e ‵tupu mai i ana tino,
Kae ka nofo a ia e aunoa mo se tino ne sao mai i te koga e nofo a ia i ei.*
20 Kafai ko oko mai tena aso, a tino i Togala ka ‵poi
Kae ko tino i Saegala ka pole‵pole i te ma‵taku.
21 Tenei te mea e tupu ki faleie o se tino fai mea ‵se
Mo te koga o te tino telā e seki iloa ne ia te Atua.”