Sakalia
7 Kae i te fa tausaga o te pulega a te Tupu ko Taliu, ne oko mai te fekau a Ieova ki a Sakalia+ i te fa o aso o te iva o masina, telā ko te masina o Kisilevu.* 2 Ne uga atu ne tino o Peteli a Salesa mo Leikimeleki mo ana tāgata ke fakamolemole atu mō te taliaga a Ieova, 3 kae ne fai atu penei ki faitaulaga o te fale* o Ieova o kautau mo pelofeta: “E a, e ‵tau mo au o tagi mautuutu i te lima o masina+ kae e se kai ki meakai, e pelā mo te mea ne fai ne au i tausaga e uke?”
4 Ne toe oko mai a te fekau a Ieova o kautau ki a au, ana muna: 5 “Fai atu ki tino katoa o te fenua mo faitaulaga, ‘I te taimi ne fakaliki‵liki ei koutou kae ‵tagi paka‵laga i te lima o masina mo te fitu o masina+ i tausaga e 70,+ e a, ne fakaliki‵liki eiloa koutou ona ko au? 6 Kae i te taimi ne ‵kai kae inu ei koutou, e a, ne seki ‵kai koutou mō koutou eiloa kae inu mō koutou eiloa? 7 E a, e se ‵tau mo koutou o faka‵logo ki fekau kolā ne folafola mai ne Ieova e auala i pelofeta mua,+ i te taimi ne isi ei ne tino e ‵nofo i Ielusalema mo fakai i ana tafa kae maua te filemu, kae isi ne tino e ‵nofo i te Nekepi mo te Sefila?’”
8 Ne toe oko mai te fekau a Ieova ki a Sakalia, ana muna: 9 “Konei a pati a Ieova o kautau ne fai mai, ‘Fakamasino i te fakamasinoga tonu,+ kae ke alofa fakamaoni+ kae alofa fakamagalo i faifaiga e fai ne koutou te suā tino ki te suā tino. 10 Ke mo a ma fakatogafiti ne koe te fafine telā ko mate tena avaga io me ko te tamaliki telā e seai sena tamana,+ te tino fakaa‵tea+ io me ko te tino mativa;+ kae ke mo a ma fai a aofaga matagā o ‵teke te suā tino ki te suā tino i otou loto.’+ 11 Kae ne ita faeloa latou ma ‵saga tonu atu,+ kae ne fulitua atu latou mo te loto ma‵keke,+ kae ‵pono olotou taliga ke mo a ma ‵logo i se mea.+ 12 Ne fai ne latou olotou loto ke pelā me se taemani*+ kae e se faka‵logo ki te tulafono mo fekau ne uga mai ne Ieova o kautau e auala i tena agaga mo pelofeta mua.+ Tenā ne kaitaua malosi ei a Ieova o kautau.”+
13 “‘E pelā eiloa mo latou ne seki faka‵logo i taku kalagaatuga,+ tela la, ka se fakalogo eiloa au māfai e ka‵laga mai latou,’+ ko muna a Ieova o kautau. 14 ‘Kae ne fakasalalau ne au latou ki se matagi malosi ki loto i atufenua katoa kolā ne seki iloa ne latou,+ kae ko te laukele ne maofa valevale i tua o latou, e aunoa mo se tino ke fanatu i loto i ei io me ke toe foki mai i ei;+ me ne ‵fuli ne latou te laukele e manakogina ki se mea fakamataku.’”