Te Lua Tupu
19 I te logoga a te Tupu ko Hesekia i te mea tenei, ne saesae ne ia ana gatu kae pei ki gatu lautaga kae fanatu ki loto i te fale o Ieova.+ 2 Tenā ne uga atu ei ne ia a Eliakimo, te pule o te kaufale,* Sepina te failautusi, mo toeaina mai faitaulaga kolā e ‵pei ki gatu lautaga, ki te pelofeta ko Isaia,+ te tama tagata a Amota. 3 Ne fai atu latou ki a ia: “Konei a pati a Hesekia ne fai mai, ‘A te aso nei se aso o te puapuaga, polopolokiga ‵mafa,* mo te masiasi; me i tama‵liki ko toka ke fa‵nau,* kae ko seai se malosi ke mafai o fanau.+ 4 E se taumate ka lagona ne Ieova tou Atua a pati katoa a te tagata ave ipu uaina,* telā ne uga mai ne tena aliki ko te tupu o Asulia ke fakaitaita ei te Atua ola,+ kae ka taui atu eiloa ne ia ki a ia ona ko pati kolā ne lagona ne Ieova tou Atua. Tela la, fai atu se ‵talo+ mō te ‵toega o tino kolā ne ‵sao.’”
5 Tenā ne olo atu ei a tavini a te Tupu ko Hesekia ki a Isaia,+ 6 kae ne fai atu a Isaia ki a latou: “Konei a pati e ‵tau o fai atu ne koutou ki te otou aliki, ‘Konei a pati ne fai mai ne Ieova: “Sa ma‵taku+ i pati ne lagona ne koutou, ko pati sē ‵tau ne fai ne tavini a te tupu o Asulia ki a au.+ 7 Tenei ka tuku ne au se manatu ki tena mafaufau, kae ka logo a ia i se lipoti kae toe foki ki tena fenua; kae ka fai ne au a ia ke takavale i te pelu i tena fenua eiloa.”’”+
8 I te logoga a te tagata ave ipu uaina i te tupu o Asulia ko fano kea‵tea mai Lakisa,+ ne toe foki atu a ia ki tou tagata kae maua atu a ia e taua ki Lipina.+ 9 Ne logo te tupu e uiga ki te tupu o Aitiope ko Tilaka: “Ko vau a ia o taua atu ki a koe.” Tenā ne toe uga atu ei ne ia a avefekau+ ki a Hesekia, ana muna: 10 “Konei a pati e ‵tau o fai ne koutou ki te tupu o Iuta ko Hesekia, ‘Sa talia ne koe a tou Atua telā e talitonu koe ki ei ke faka‵se ne ia koe i ana pati: “A Ielusalema ka se tuku atu ki lima o te tupu o Asulia.”+ 11 Kiloke! Ko oti ne ‵logo koutou i mea ne fai ne tupu o Asulia ki fenua katoa kae fakaseai atu a latou.+ E a, ko koutou fua ka ‵sao i ei? 12 E mata, ne faka‵sao latou ne atua o nisi fenua kolā ne ‵ta fakapalele ne oku tupuga? Kofea a Kosana, Halana,+ Lisefa, mo tino o Etena kolā ne ‵nofo i Telasa? 13 Tefea te tupu o Hamata, te tupu o Apaata, mo te tupu o fakai o Sefavaima, mo Hena mo Ivaa?’”+
14 Ne puke ne Hesekia a tusi mai lima o avefekau kae faitau ne ia. Tenā ne fanatu ei a Hesekia ki te fale o Ieova kae ‵fola atu a tusi konā i mua o Ieova.+ 15 Kae ne kamata a Hesekia o ‵talo+ atu i mua o Ieova, ana muna: “Ieova te Atua o Isalaelu, e sagasaga i te nofogaaliki mai luga* o kelupi,+ ko koe tokotasi eiloa te Atua tonu o malo katoa o te lalolagi.+ Ne faite ne koe a te lagi mo te lalolagi. 16 Tuku mai ou taliga e Ieova, kae fakalogo mai!+ ‵Pula mai ou mata+ e Ieova, ke lavea ne koe! Fakalogo mai ki pati ne aumai ne Sanelivi ke fakaitaita ei te Atua ola. 17 Se mea tonu e Ieova, me ko oti ne fakamasei ne tupu o Asulia a atufenua mo olotou laukele.+ 18 Kae ne ‵pei ne latou olotou atua ki loto i te afi, me i mea konā e se ne atua+ kae ko galuega ne fai ki lima o te tagata+ mai lakau mo fatu. Tenā te pogai ne mafai ei o fakaseai ne latou a mea konā. 19 Kae nei la, e Ieova te motou Atua, fakamolemole faka‵sao mai matou mai i ana lima, ko te mea ke iloa ne malo katoa o te lalolagi i a koe ko te Atua fua e tokotasi, e Ieova.”+
20 Tenā ne avatu ei ne Isaia te tama tagata a Amota a te fekau tenei ki a Hesekia: “Konei a pati ne fai mai ne Ieova te Atua o Isalaelu, ‘Ko oti ne lagona ne au tau ‵talo+ ki a au e uiga ki te tupu o Asulia ko Sanelivi.+ 21 Konei a pati a Ieova ne fai o ‵teke atu ki tou tagata:
“A te tamafine ‵ma o Siona e takalialia ki a koe, e fakatauemu atu ki a koe.
A te tama fafine o Ielusalema e lūlū tena ulu ki a koe.
22 Ko oi ne fakaitaita ne koe kae fai a pati sē ‵tau ki ei?+
Ko oi ne faipati koe ki ei i se leo maluga o ‵teke atu ki ei+
Kae kilo atu ki ei mo te fia sili?
Ko te Atua Tapu o Isalaelu!+
23 E auala i au avefekau+ ne fakaitaita ei ne koe a Ieova+ kae fai atu,
‘Fakatasi mo aku kaliota tau e uke
Ka fanaka au ki koga ma‵luga o mauga,
Ko koga ‵mao eiloa o Lepanona.
Ka ‵kati ne au ki lalo ana alasi ma‵luga, ana lakau ko iunipa tafasili i te ‵lei.
Ka fanatu au ki ana koga ‵mao kolā e tokagamalie, ki ana togavao matolu‵tolu.
24 Ka keli ne au a vaikeli kae inu ki vai fakaa‵tea;
Ka faka‵masa ne au a vai* katoa o Aikupito ki alofivae o oku vae.’
25 A koe e seki logo? Ko leva ne fakaiku* aka te mea tenei mai i aso mua eiloa.+
Mai i aso ko ‵teka ne fakatoka* ei ne au te mea tenei.+
Nei la, ka fakataunu eiloa ne au.+
Ka ‵fuli ne koutou a fakai e ‵pui faka‵lei ke fai pelā me ne fakaputuga kaiga.+
26 A olotou tino ka se mafai o fai se mea;
Ka ma‵taku latou kae ma‵vale.
Ka fai latou e pelā me ne lakau o te vao mo mouku lanu launiu,+
E pelā mo mouku o tuafale kolā ko paku‵paku i te matagi mai saegala.
27 Kae e iloa ‵lei ne au māfai koe ko sagasaga, māfai koe ko fano ki tua, māfai koe ko vau ki loto,+
Kae māfai koe ko kaitaua malosi mai ki a au,+
28 Me i tou kaitaua ki a au+ mo tou logoa ko oti ne oko mai ki oku taliga.+
Tela la, ka faka‵mau ne au taku kafilo ki tou isu mo taku fagutu+ i te va o ou laugutu,
Kae ka takitaki ne au koe ke foki i te auala ne vau ei koe.”+
29 “‘Kae tenei te fakailoga mō koe:* I te tausaga nei a koe ka kai ki mea kolā ne ola aka eiloa i a latou;* kae i te lua o tausaga a koe ka kai ki fuaga kolā ne ola mai i mea konā;+ kae i te tolu o tausaga ka ‵toki au fuaga kae tau ne koe, kae ka ‵toki ne koe a togavine kae kai ki olotou fuataga.+ 30 A tino mai i te kāiga o Iuta kolā ne ‵sao, ko latou kolā ne ‵toe mai,+ ka ‵mau olotou aka e pelā me ne lakau kae ka fua mai olotou fuataga. 31 Me ka isi se ‵toega ka o‵mai ki tua mo Ielusalema mo tino kolā ne ‵sao mai i te Mauga o Siona. A te loto finafinau o Ieova o kautau ka fai ne ia te mea tenei.+
32 “Tela la, konei a pati a Ieova ne fai e uiga ki te tupu o Asulia:+
“Ka se ulu mai a ia ki loto i te fakai tenei+
Io me sana atu se matasana ki ei
Io me taua atu ki ei mo se talita
Io me fai ne ia se koga maluga ke fakaaoga o taua atu ki te fakai.+
33 Ka toe foki a ia i te auala ne vau ei a ia;
Ka se ulu mai a ia ki loto i te fakai tenei,” ko te folafolaga a Ieova.
35 I te po eiloa tenā, ne fanatu te agelu a Ieova kae ‵ta ne ia te toko 185,000 tāgata i te koga e ‵nofo ei te kautau a Asulia.+ I te taimi ne ‵tu aka ei a tino i te tafataeao ‵malu, ne lavea ne latou a foitino ‵mate katoa.+ 36 Tenā ne fano ei a te tupu o Asulia ko Sanelivi kae toe foki ki Nineva+ o nofo i ei.+ 37 Kae i te taimi ne ifo ei a ia i te fale* o tena atua ko Nisiloka, ne tamate a ia ne ana tama tāgata ko Atameleko mo Salesa ki te pelu+ kae ‵tele ki te fenua ko Alalata+ ke ‵sao lāua. Kae ko tena tama tagata ko Esalatonu+ ne fai mo tupu e sui ei a ia.